Punjab Blast : पंजाबमध्ये खलिस्तानी अतिरेकी पुन्हा सक्रीय? Special Report

अनेक वर्षांपूर्वी दहशतवादाचं केंद्र राहिलेला पंजाब आता शांत झालाय... मात्र काल रात्री दोन शहरांमध्ये झालेल्या दोन स्फोटांनी या कल्पनेला छेद दिलाय... अमेरिकेत राहून भारतात कारवाया करणाऱ्या दहशतवाद्यानं या हल्ल्याची जबाबदारी स्वीकारलीये... यामुळे एकीकडे तपास यंत्रणा सावध झाल्या असताना या घटनेवरून राजकारणही सुरू झालंय...

 

ंजाबच्या जालंदर शहरातल्या बीएसएफ मुख्यालयाचा परिसर... 

मंगळवारी रात्री आठच्या सुमारास एका डिलिव्हरी बॉयच्या स्कूटरमध्ये अचानक स्फोट झाला... 

विशेष म्हणजे यानंतर काही वेळातच पंजाबमधलं दुसरं मोठं शहर अमृतसरही स्फोटानं हादरलं... 

अमृतसरच्या खासा परिसरात लष्कराच्या छावणीजवळ हा दुसरा स्फोट झाला... 

सुरक्षा दलांच्या ठिकाणांजवळ एकाच दिवशी झालेल्या या दोन हल्ल्यांची जबाबदारी खलिस्तान लिबरेशन आर्मी या दहशतवादी संघटनेनं स्वीकारलीये... 

मात्र जबाबदारी स्वीकारणाऱ्या पत्रकात दोन बीएसएफ जवानांचा मृत्यू झाला असून तिघे जखमी झाल्याचा चुकीचा दावाही करण्यात आलाय... 

रणजित सिंह याच्या मृत्यूचा बदला घेण्यासाठी हे स्फोट घडवण्यात आल्याचं खलिस्तान लिबरेशन आर्मीनं पत्रकात म्हटलंय...