Phaltan Doctor Case : फलटण डॉक्टर प्रकरण तापलं, SIT चौकशीवरून राजकारण, अंधारेंचा आरोप Special Report

फलटणमधील (Phaltan) डॉक्टर तरुणीच्या आत्महत्या प्रकरणावरून राजकारण तापले असून, शिवसेना (UBT) नेत्या सुषमा अंधारे (Sushma Andhare) यांनी सरकारवर जोरदार हल्ला चढवला आहे. 'आका म्हणजे देवेंद्र फडणवीस आहेत आणि ते हे प्रकरण दाबत आहेत,' असा थेट आरोप विरोधकांनी केला आहे. या प्रकरणी सुषमा अंधारे यांनी फलटण पोलीस स्टेशनवर मोर्चा काढत ठिय्या आंदोलन केले आणि SIT चौकशीची मागणी केली. दुसरीकडे, राष्ट्रवादी काँग्रेसच्या खासदार सुप्रिया सुळे (Supriya Sule) यांनी पीडित कुटुंबाची भेट घेऊन हे प्रकरण केंद्रीय गृहमंत्री अमित शहा (Amit Shah) यांच्यापर्यंत नेणार असल्याचे आश्वासन दिले. या प्रकरणात आतापर्यंत दोन पोलीस उपनिरीक्षकांना अटक करण्यात आली असून, चौकशीसाठी एक विशेष तपास पथक (SIT) स्थापन करण्यात आले आहे.