"26 खासदार असलेली व्यक्ती पंतप्रधान होऊ शकते, तर 48 खासदार असलेला मावळा का नाही?" : अमोल कोल्हे

मुंबई : काही दिवसांपूर्वी अजित पवारांना मुख्यमंत्रीपदी बसलेलं पाहायचं आहे असं म्हटलेल्या राष्ट्रवादीचे खासदार डॉ अमोल कोल्हे यांनी आज शरद पवार यांना पंतप्रधानपदी पाहायची मनिषा बोलून दाखवली. शरद पवार यांच्या वाढदिवसानिमित्त मुंबईत आयोजित कार्यक्रमात कोल्हे म्हणाले की, 26 खासदार असलेल्या गुजरातमधील व्यक्ती पंतप्रधानपदी बसू शकते तर 48 खासदार असलेल्या महाराष्ट्रातील व्यक्ती का नाही? कोल्हे यांच्या या वाक्यानंतर सभागृहात टाळ्यांचा कडकडाट झाला.