Palghar Students | ABP Majha च्या बातमीचा Impact, विद्यार्थ्यांना मिळाल्या Cycles

पालघरमध्ये एबीपी माजानं दाखवलेल्या बातमीचा सकारात्मक परिणाम दिसून आला आहे. गारगावातील शाळकरी मुलांना पावसाळ्यात शाळेसाठी नदीच्या प्रवाहातून जीवघेणा प्रवास करावा लागत होता. यापूर्वी पालघर जिल्ह्यात विद्यार्थी टायरच्या ट्यूबवरून किंवा लाकडी साकवावरून धोकादायक प्रवास करत असल्याचे वास्तवही दाखवण्यात आले होते. हे वास्तव समोर आल्यानंतर प्रशासनाला जाग आली, तसेच अनेक सामाजिक संस्था मदतीसाठी पुढे आल्या. जुनून फाऊंडेशनने गारगावमधील पन्नास पेक्षा अधिक विद्यार्थ्यांना सायकल्स वाटप केल्या आहेत. या सायकल वाटप कार्यक्रमासाठी गोंदिया तिरोरचे आमदार विजय रहांगडे उपस्थित होते. 'द बायसिकल प्रोजेक्ट' या प्रकल्पामुळे विद्यार्थ्यांची पायपीट कमी व्हावी, शाळेचे अंतर कमी होऊन त्यांची मनोवृत्ती चांगली राहावी, वाचलेला वेळ अभ्यासात आणि खेळण्यात घालवावा, तसेच शाळेतील गळती कमी व्हावी या उद्देशाने जुनून फाऊंडेशनने हा उपक्रम राबवला. विद्यार्थ्यांच्या घरापासून शाळेचे अंतर तीन ते चार किलोमीटर आहे. सायकल मिळाल्याने विद्यार्थ्यांमध्ये आनंदाचे वातावरण आहे. एका विद्यार्थ्याने सांगितले की, “आता सायकल दिल्याबद्दल अर्धा वेळ वाचेल आणि त्या वेळात आम्ही खूप अभ्यास करू.”