Nashik Floods | नाशिकमध्ये पावसाचा जोर, Gangapur धरणातून विसर्ग वाढला, Ramkund पाण्याखाली!

नाशिक जिल्ह्यामध्ये पावसाचा जोर वाढला आहे. धरणांच्या पाणलोट क्षेत्रात मुसळधार पाऊस सुरू आहे. यामुळे नाशिकच्या गंगापूर धरणातून पाण्याचा विसर्ग वाढवण्यात आला आहे. सध्या चार हजार सहा शे छप्पन्न (4656) क्यूसेक इतका पाण्याचा विसर्ग गोदापात्रामध्ये सुरू आहे. यामुळे नाशिकच्या रामकुंड परिसरामध्ये पूरपरिस्थिती वाढली आहे. रामकुंड परिसरातील छोटे मोठे मंदिरे, रस्ते, वाहनतळ आणि बाजारपेठांचा परिसर पाण्याखाली गेला आहे. नाशिक शहर परिसरात कालपासून मुसळधार पाऊस सुरू आहे. नाशिकच्या गंगापूर धरणातला पाण्याचा विसर्ग वाढविण्यात आल्याने संपूर्ण रामकुंड परिसर पाण्याखाली गेला आहे. नाशिकच्या बाजारपेठांच्या परिसरामध्येही पुराचं पाणी शिरलं आहे. नाशिकच्या रामकुंड परिसरामध्ये असलेला जो दुतंडा मांडवता आहे तो देखील अर्ध्यापर्यंत बुडाल्याचं पाहायला मिळत आहे. नाशिकमधून मोठ्या प्रमाणात पाणी जायकवाडी धरणामध्ये वाहत जात आहे. नाशिकच्या गंगापूर धरण, दारणा धरण आणि नांदूर मध्यमेश्वर धरणातूनही मोठा पाण्याचा विसर्ग सुरू आहे. सध्या नाशिकच्या नांदूर मध्यमेश्वर धरणातून जवळपास पंचवीस हजार (25000) क्यूसेक इतक्या वेगानं पाण्याचा विसर्ग जायकवाडी धरणाकडे वाहत आहे. नाशिकमध्ये पावसाचा जोर वाढल्याने नाशिकची गोदावरी नदी सलग पंधरा दिवसांनंतरही दुथडी भरून वाहत आहे.