OnePlus 12R खरेदीवर भन्नाट ऑफर, 'ही' गोष्ट मिळणार फोनसोबत मोफत, जाणून घ्या सविस्तर

OnePlus Smartphone: OnePlus ने अलीकडेच दोन नवीन स्मार्टफोन लॉन्च केले आहेत, त्यापैकी एक OnePlus 12R आजपासून विक्रीसाठी उपलब्ध करण्यात आला आहे. या फोनच्या पहिल्या सेलवर यूजर्सना अनेक खास ऑफर्स मिळत आहेत.

OnePlus 12 R (Image Source : ABP Live)

मुंबई : OnePlus ने काही दिवसांपूर्वी आपले दोन नवीन स्मार्टफोन लॉन्च केले होते. OnePlus 12 आणि OnePlus 12R अशी या स्मार्टफोनची सिरिज बाजारात आली आहे. OnePlus 12 ची विक्री सुरू केल्यानंतर, आता कंपनीने OnePlus 12R ची विक्री आजपासून म्हणजेच 6 फेब्रुवारी 2024 पासून सुरू केली आहे. दरम्यान या फोनवर सध्या अनेक भन्नाट ऑफर्स कंपनीकडून देण्यात येत आहेत. 

कंपनीने OnePlus 12R हे दोन वेगवेगळ्या प्रकारांमध्ये सादर केले.  या फोनचा पहिला प्रकार 8GB रॅम आणि 128GB स्टोरेजसह येतो, ज्याची किंमत 39,999 रुपये आहे. त्याच वेळी, या फोनचा दुसरा प्रकार 16GB रॅम आणि 256GB स्टोरेजसह येतो, ज्याची किंमत 45,999 रुपये आहे. दरम्यान या फोनवर सध्या कंपनीकडून OnePlus Buds Z2 मोफत दिला जाणार आहे. OnePlus च्या या इयरबड्सची किंमत 4,999 रुपये आहे. 

Amazon आणि OnePlus स्टोअर्सवर विक्री सुरु

Amgen आणि OnePlus स्टोअर्सवर आज दुपारपासून या फोनची विक्री सुरु करण्यात आलीये. तसेच या फोनच्या पहिल्या सेलवर कंपनीकडून आपल्या आपल्या यूजर्सना अनेक आकर्षक ऑफर देखील देण्यात येत आहेत. ICICI बँक कार्ड किंवा OneCard द्वारे पेमेंट केल्यास ग्राहकांना 1000 रुपयांची त्वरित सूट देखील मिळेल. त्यामुळे 5 हजार रुपयांचे इयरबड्स आणि 1000 रुपयांची त्वरीत सूट असे किमान  6,000 रुपये तरी नक्कीच वाचवता येऊ शकतात. 

असा आहे हा नवा फोन

OnePlus 12R मध्ये 6.78-इंचाचा AMOLED ProXDR डिस्प्ले आहे, जो LTPO 4.0 पॅनेल, 1.5K रिझोल्यूशन आणि 1-120Hz डायनॅमिक रिफ्रेश रेटसह येतो. या फोनच्या डिस्प्लेमध्ये 4500 nits ब्राइटनेस, कॉर्निंग गोरिल्ला ग्लास 2, डॉल्बी व्हिजन आणि HDR10+ सारखी अनेक खास वैशिष्ट्ये आहेत. याशिवाय, यात Android 14 वर आधारित Qualcomm Snapdragon 8 Gen 2 चिपसेट आणि OxygenOS 14 OS साठी देखील सपोर्ट आहे.

या फोनच्या मागील बाजूस ट्रिपल कॅमेरा सेटअप देण्यात आला आहे. ज्याचा प्रायमरी कॅमेरा OIS सपोर्टसह 50MP Sony IMX890 सेन्सरसह येतो. त्याच वेळी, दुसरा कॅमेरा देखील OIS सपोर्टसह 8MP अल्ट्रा-वाइड अँगल लेन्ससह येतो. फोनचा तिसरा कॅमेरा 2MP मॅक्रो कॅमेरा सेन्सरसह येतो. या फोनला 16MP फ्रंट कॅमेरा देण्यात आला आहे. याशिवाय, हा फोन 5500 mAh ची बॅटरी आणि 100W SuperVOOC फास्ट चार्जिंगसह येतो. 

ही बातमी वाचा :