Watch : फोटोशूट करताना 'काला चष्मा' गाण्यावर थिरकले वेस्ट इंडीजचे खेळाडू, पाहा व्हायरल VIDEO
West Indies Players Dance Video: T20 वर्ल्ड कप संबधी फोटोशूट करताना, वेस्ट इंडिजच्या खेळाडूंनी काला चष्मा गाण्यावर जबरदस्त डान्स केला, ज्याचा व्हिडिओ सोशल मीडियावर तुफान व्हायरल होत आहे.
West Indies Players Viral Dance Video : रविवारपासून अर्थात 16 आॅक्टोबरपासून ऑस्ट्रेलियात टी-20 विश्वचषक 2022 (T20 world cup 2022) सुरू होत आहे. या विश्वचषकासाठी सर्व संघ संपूर्णपणे सज्ज झाले आहेत. नुकतच सर्व संघाच्या कर्णधारांचा फोटोशूट व्हायरल झालं असून आता वर्ल्ड कप सुरू होण्यापूर्वी वेस्ट इंडिज खेळाडूंनी देखील फोटोशूट केलं आहे. या फोटोशूटदरम्यान वेस्ट इंडिजचे खेळाडू काला चष्मा या बॉलिवूड गाण्यावर डान्स देखील करताना दिसले. वेस्ट इंडिजच्या खेळाडूंचा हा व्हिडिओ सोशल मीडियावर मोठ्या प्रमाणात व्हायरल होत आहे.
पाहा VIDEO -
View this post on Instagram
आयसीसीने सोशल मीडियावर शेअर केलेल्या या व्हिडिओमध्ये वेस्ट इंडिजचे खेळाडू टी-20 विश्वचषकापूर्वी फोटोशूटसाठी पोहोचले असताना त्याचवेळी, या फोटोशूटदरम्यान सर्व खेळाडू बॉलिवूडमधील हिट साँग काला चष्मावर जबरदस्त डान्स करताना दिसत आहेत. सोशल मीडियावर व्हायरल होत असलेल्या या व्हिडिओमध्ये वेस्ट इंडिजचा कर्णधार निकोलस पूरन, उपकर्णधार रोव्हमन पॉवेल, अष्टपैलू जेसन होल्डर, काइल मेयर्स आणि वेगवान गोलंदाज शेल्डन कॉट्रेल मस्त डान्स करताना दिसत आहेत. वेस्ट इंडिजच्या या खेळाडूंचा डान्स व्हिडिओ सोशल मीडियावर मोठ्या प्रमाणात व्हायरल होत आहे. चाहत्यांनी या व्हिडीओवर लाईक्सचा वर्षाव केला आहे.
एन्टरटेन्मेंटसाठी ओळखले जातात वेस्ट इंडीजचे खेळाडू
वेस्ट इंडिजचा संघ त्याच्या स्फोटक खेळासोबतच मनोरंजनासाठी जगभर ओळखला जातो. वेस्ट इंडिजचा माजी अष्टपैलू खेळाडू ड्वेन ब्राव्होने तयार केलेले चॅम्पियन नावाचे गाणे तर जगभरात गाजले होते. स्टार फलंदाज ख्रिस गेल देखील त्याच्या मनोरंजनासाठी जागतिक क्रिकेटमध्ये खूप प्रसिद्ध आहे. ज्यानंतर आता यंदाच्या विश्वचषकातील वेस्ट इंडिजचा संघ देखील मजा मस्ती करताना दिसत आहे.
हे देखील वाचा-
महत्त्वाच्या बातम्या
