Axar Patel Run Out : विराटनं ऐनवेळी रन कॅन्सल केला अन् अक्षर पटेल धावचीत, भारताची पाकिस्तानविरुद्ध खराब सुरुवात 

IND vs PAK: भारत आणि पाकिस्तान सामन्यात भारताने प्रथम गोलंदाजी करत पाकिस्तानला 159 धावांमध्ये रोखलं आहे. 

Axar Patel Runout

IND vs PAK, Axar Patel runout : भारतीय संघ 160 धावांचे लक्ष्य गाठण्यासाठी (IND vs PAK) मैदानात आला असताना भारताची सुरुवात अत्यंत खराब झाली आहे. सलामीवीरांसह एकूण 4 फलंदाज अत्यंत स्वस्तात माघारी परतले. यावेळी चौथा विकेट अक्षर पटेलचा रनआऊटच्या रुपात गेला. यावेळी विराट कोहली आणि अक्षर फलंदाजी करत असताना आधी रन घेतल्यानंतर एनवेळी विराटने रन कॅन्सल केला आणि अक्षर पटेल धावचीत झाला. या धावचीत होण्यानंतर भारताचे 31 वर 4 गडी बाद झाले. अक्षर बाद झाल्यावर त्याचा रनआऊटचा व्हिडीओ तसच काही मीम्स व्हायरल होत आहेत.

भारतीय संघाची सुरुवात अत्यंत खराब सुरुवात झाली आहे. सलामवीर रोहित शर्मा आणि केएल राहुल प्रत्येकी 4 रन करुन बाद झाले आहेत. त्यानंतर सूर्यकुमारने काहीसा डाव सावरण्याचा प्रयत्न केला पण तो 15 धावा करुन बाद झाला. ज्यानंतर अक्षरही 2 रन करुन रनआऊट झाला.

Run out by Babar Azam 🏏
Axar Patel 2 (3) #INDvsPAK pic.twitter.com/pQXH2jW56t

— VPNSports (@VPNSports) October 23, 2022

Axar Patel pic.twitter.com/qxr1K5c3yd

— Delhi Se Hoon BC (@delhichatter) October 23, 2022

 

पाकिस्तानचं भारतासमोर 160 धावांचं लक्ष्य

 

सामन्यात सर्वात आधी नाणेफेक जिंकत भारतीय कर्णधार रोहित शर्माने प्रथम गोलंदाजी करण्याचा निर्णय घेतला. पाकिस्तानला भारतासमोर आधी फलंदाजी करणं अवघड ठरत असल्यानं रोहितनं हा निर्णय़ घेतला. त्यानुसारच भारतीय गोलंदाजांनी सुरुवातही दमदार केली. पाकिस्तानचा कर्णधार बाबरला 0 धावांवर तंबूत धाडत अर्शदीपने पहिली विकेट घेतली. त्यानंतरही भारताने गोलंदाजी कसून सुरुच ठेवली. 4 धावा करुन रिझवानही बाद झाला. पण त्यानंतर शान मकसूद (52) आणि इफ्तिकार अहमद (51) यांनी डाव सावरला आणि दोघांनी दमदार अर्धशतकं ठोकत पाकिस्तानची धावसंख्या सावरली. त्यांच्याशिवाय इतर फलंदाज स्वस्तात माघारी परतत होते. पण गोलंदाज शाहीन आफ्रिदीने 8 चेंडूत 16 धावांची खेळी करत आणखी योगदान दिलं. ज्यामुळे पाकिस्तानने 159 धावा स्कोरबोर्डवर लावल्या. भारताकडून हार्दिक पांड्या आणि अर्शदीप सिंह यांनी प्रत्येकी 3 तर मोहम्मद शमी बुवनेश्वर कुमार यांनी प्रत्येकी 1 विकेट घेतली.

हे देखील वाचा-