Mohammed Shami Abuse Update: सोशल मीडियावर ट्रोल झालेल्या शमीची आजी-माजी क्रिकेटपटूंकडून शमीची पाठराखण

Mohammed Shami Abuse : सचिन तेंडुलकर, वीरेंद्र सहवाग आणि हरभजनसिंग यांच्यासह अनेक माजी क्रिकेटपटू आता मोहम्मद शमीची पाठराखण करण्यासाठी पुढे सरसावले आहेत

Mohammed Shami Abuse Update : दुबई येथे झालेल्या विश्वचषकातील पहिल्याच सामन्यात भारतीय संघाला दारुण पराभावला सामोरं जावं लागलं. पाकिस्तान संघानं भारतीय संघाचा दहा विकेटनं पराभव केला. भारतीय संघाच्या पराभवानंतर अनेक प्रश्न उपस्थित झाले. भारतानं हा सामना गमावल्यावर भारतीय संघातल्या एकमेव  खेळाडूवरच टीका होऊ लागली आहे. शमीला धर्मावरून सोशल मीडियावर ट्रोल केले जात आहे, त्यानंतर अनेक माजी क्रिकेटपटू मोहम्मद शमीच्या बचावासाठी पुढे आले आहेत

सचिन तेंडुलकर, वीरेंद्र सहवाग आणि हरभजनसिंग यांच्यासह अनेक माजी क्रिकेटपटू आता मोहम्मद शमीची पाठराखण करण्यासाठी पुढे सरसावले आहेत. ट्वेन्टी ट्वेन्टी विश्वचषकात टीम इंडियाला पाकिस्तानकडून स्वीकाराव्या लागलेल्या पराभवानंतर काही समाजकंटकांकडून शमीला धार्मिक मुद्यावर सोशल मीडियावर ट्रोल करण्यात येत आहे. सचिन, सहवाग आणि हरभजनसह इरफान पठाण आणि युजवेंद्र चहल यांनीही आवाज उठवून शमीला आपला पाठिंबा जाहीर केला आहे. 

 शमी आम्ही तुझ्यासोबत : विरेंद्र सेहवाग

विरेंद्र सेहवागने ट्विट केले आहे की, मोहम्मद शमीवरील ऑनलाइन हल्ल्याचा प्रकार अत्यंत धक्कादायक आहे. आम्ही मोहम्मद शमीच्या पाठीशी उभे आहोत, तो एक चॅम्पियन आहे.  जो  खेळाडू इंडियन कॅप परिधान करतो त्याच्या मनात भारत आहे. शमी आम्ही तुझ्यासोबत आहोत.

 

The online attack on Mohammad Shami is shocking and we stand by him. He is a champion and Anyone who wears the India cap has India in their hearts far more than any online mob. With you Shami. Agle match mein dikado jalwa.

— Virender Sehwag (@virendersehwag) October 25, 2021

 

सचिन तेंडुलकरचा पाठिंबा

माझा टीम इंडियासा पाठिंबा आहे. जो भारतीय संघासाठी खेळतो त्या प्रत्येक व्यक्तीला माझा पाठींबा आहे. मोहम्मद शमी वर्ल्ड क्लास गोलंदाज आहे. त्याचा कालचा दिवस कोणत्याही खेळांडूप्रमाणे खराब केला. माझा शमीला आणि भारतीय संघाला पाठिंबा आहे.

When we support #TeamIndia, we support every person who represents Team India. @MdShami11 is a committed, world-class bowler. He had an off day like any other sportsperson can have.

I stand behind Shami & Team India.

— Sachin Tendulkar (@sachin_rt) October 25, 2021

 विश्वचषकात भारताविरुद्ध विजय मिळवून पाकिस्तानने गेल्या अनेक वर्षांचा विक्रम मोडीत काढला आहे. याआधी पाकिस्तानच्या संघाला विश्वचषकात भारताविरुद्ध एकही सामना जिंकता आला नाही. भारत आणि पाकिस्तान संघ आतापर्यंत एकूण 12 वेळा टी-20 आणि एकदिवसीय विश्वचषकात आमने सामने आले आहेत आणि यामध्ये पाकिस्तानला एकदाही विजय मिळवला आलेला नाही. या 12 सामन्यांपैकी 5 सामने टी-20 विश्वचषकातील, तर 7 सामने एकदिवसीय विश्वचषकातील आहेत. मात्र, आजच्या सामन्यात भारताला पाकिस्तानकडून पहिल्यांदाच पराभव स्वीकारवा लागला आहे. तसेच उपांत्य फेरी गाठण्यासाठी भारताला पुढील सामने जिंकणे आवश्यक आहे.