Sachin Tendulkar : मास्टर ब्लास्टर सचिन तेंडुलकरनं सांगितल्या 'बेस्ट' आठवणी; म्हणाला, 315 नंबरची बस अन् माझं खास नातं...

Sachin Tendulkar : सचिननं नुकताच एक खास व्हिडीओ सोशल मीडियावर शेअर केला आहे. या व्हिडीओमध्ये त्यानं 315 नंबरच्या बेस्ट बसच्या खास आठवणी सांगितल्या आहेत.

Sachin Tendulkar

Sachin Tendulkar : मास्टर ब्लास्टर सचिन तेंडुलकर(Sachin Tendulkar)च्या क्रिकेटच्या मैदानावरील खेळाचे अनेक चाहते आहेत. सध्या सचिन त्याच्या सोशल मीडियावरील पोस्टमुळे चर्चेत आहे. सचिन कधी 'मी डोलकर दर्याचा राजा' गाण्यावर धिरकतानाचा तर कधी मिसळ पाववर ताव मारतानाचा व्हिडीओ चाहत्यांसोबत शेअर करतो. सचिननं नुकताच एक खास व्हिडीओ शेअर केला आहे. या व्हिडीओमध्ये सचिन त्याच्या बेस्ट बसमधील प्रवासाबद्दलच्या खास आठवणी सांगताना दिसत आहे. 

सचिननं सोशल मीडियावर शेअर केलेल्या व्हिडीओमध्ये 315 नंबरची वांद्रे ते शिवाजी पार्क जाणारी बस दिसत आहे. या बसबद्दल सचिन म्हणाला, 'बऱ्याच दिवसांनी 315 नंबरची वांद्रे ते शिवाजी पार्क ही बस पाहिली. मी शिवाजी पार्कवर प्रॅक्टिस करण्यासाठी या बसमधून जात होतो. प्रॅक्टिस झाल्यानंतर संध्याकाळी घरी या बसमधून परत जाताना मला माझ्या आवडत्या शेवटच्या सिटवर बसायला खूप आवडत होते.  बसमध्ये थंड हवा येत असल्यानं बऱ्याच वेळा झोप लागत होती आणि त्यामुळे बस स्टॉप देखील अनेक वेळा मिस व्हायचा. पण तेव्हा बसमधून प्रवास करताना खूप मजा येत होती.' या व्हिडीओला सचिननं कॅप्शन दिलं, '315 नंबरची खास गोष्ट'

 

 

 

 

 

View this post on Instagram

 

 

 

 

 

 

 

 

 

 

 

A post shared by Sachin Tendulkar (@sachintendulkar)

सचिननं या बससोबतचे काही फोटो देखील शेअर केले आहेत. या फोटोला नेटकऱ्यांनी लाइक्स आणि कमेंट्स केल्या आहेत. माजी क्रिकेटपटू दिलीप दोशी यांनी देखील सचिननं शेअर केलेल्या व्हिडीओला कमेंट केली आहे. 

हे देखील वाचा-