Rashid Khan : राशिद खानच्या नावे नवा विक्रम; 2022 वर्षात केली ही भन्नाट कामगिरी
Rashid Khan Most wickets in T20s in 2022: राशीदनं शानदार गोलंदाजी करताना चार विकेट्स घेतल्या. या विकेट्ससह तो 2022 या वर्षात टी 20 मध्ये सर्वाधिक विकेट्स घेणारा गोलंदाज बनला आहे.
Rashid Khan Most wickets in T20s in 2022: कालच्या सामन्यात पुण्यातील महाराष्ट्र क्रिकेट असोसिएशनच्या मैदानात राशिद खानच्या भेदक माऱ्याच्या जोरावर गुजरातने लखनौचा 62 धावांनी पराभव केला. माफक 144 धावांचा बचाव करताना गुजरातच्या गोलंदाजांनी जबरदस्त कामगिरी केली. या नवव्या विजयानंतर हार्दिक पांड्याच्या नेतृत्वात गुजरातचा संघ प्ले ऑफमध्ये पोहोचला आहे. हार्दिक पांड्याच्या नेतृत्वातील गुजरात टायटन्सने यंदा जबरदस्त कामगिरी केली आहे. गुजरातने 12 सामन्यात आठ विजय मिळवले आहेत. गुजरातचा संघ 18 गुणांसह पहिल्या क्रमांकावर आहे. गुजरातचे फक्त तीन पराभव झाले आहेत. आयपीएल 2022 मध्ये प्लेऑफमध्ये पोहोचणारा गुजरात पहिला संघ ठरला आहे.
हा सामना खऱ्या अर्थान फिरवला तो राशिद खाननं. राशिदनं शानदार गोलंदाजी करताना चार विकेट्स घेतल्या. या विकेट्ससह तो 2022 या वर्षात टी 20 मध्ये सर्वाधिक विकेट्स घेणारा गोलंदाज बनला आहे. त्यानं संदिप लामिछानेचा विक्रम मोडला आहे. राशिदने 3.5 षटकात 24 धावा देत चार गड्यांना बाद केले.
संदीप लामिछानेचा विक्रम मोडीत
कालच्या सामन्यात राशिदने 3.5 षटकात 24 धावा देत चार विकेट्स घेतल्या. त्यानं दीपक हुड्डाला 27 धावांवर, क्रुणाल पांड्याला पाच तर जेसन होल्डर 1 धावेवर तर आवेश खानला 12 धावांवर बाद केलं. 2022 सालामध्ये टी20 मध्ये सर्वाधिक विकेट्स घेण्याचा विक्रम त्यानं केला आहे. त्यानं संदिप लामिछानेचा विक्रम मोडला आहे. राशिदनं यंदा 27 सामने खेळले आहेत, त्यात त्यानं 40 विकेट्स घेतल्यात. तर संदिपनं 23 सामन्यात 38 विकेट्स घेतल्या आहेत. या लिस्टमध्ये ड्वेन ब्रावो तिसऱ्या नंबरवर आहे. त्यानं 19 सामन्यात 34 विकेट्स घेतल्या आहेत. राशिद खाननं केवळ गोलंदाजीतच नाही तर फलंदाजीनं देखील आपल्या संघाला काही विजय मिळवून देण्यात मोलाचा वाटा उचलला आहे.
2022 सालात टी20 मध्ये सर्वाधिक विकेट्स घेणारे गोलंदाज
राशिद खान: 27 मॅच, 40 विकेट
संदीप लामिछाने: 23 मॅच, 38 विकेट
ड्वेन ब्रावो: 19 मॅच, 34 विकेट
जेसन होल्डर: 17 मॅच, 29 विकेट
महत्त्वाच्या बातम्या
ट्रेंडिंग न्यूज
