PBKS vs RCB, 1st Innings Score: पंजाबचं बंगळुरुसमोर 180 धावांचं आव्हान, केएल राहुलची शानदार खेळी
PBKS vs RCB, IPL 2021 1st Innings Highlights: नरेंद्र मोदी स्टेडियमवर सुरु असलेल्या आयपीएल सामन्यात पंजाबनं कर्णधार केएल राहुलच्या शानदार खेळीच्या बळावर बंगळुरुसमोर 180 धावांचं आव्हान ठेवलं आहे.
PBKS vs RCB, IPL 2021 1st Innings Highlights: नरेंद्र मोदी स्टेडियमवर सुरु असलेल्या आयपीएल सामन्यात पंजाबनं कर्णधार केएल राहुलच्या शानदार खेळीच्या बळावर बंगळुरुसमोर 180 धावांचं आव्हान ठेवलं आहे.पंजाबकडून आज सलामीला आलेला प्रभसिमरन सिंग केवळ सात धावा करुन बाद झाला. त्यानंतर राहुल आणि ख्रिल गेलनं चांगली भागिदारी केली. आक्रमक खेळी करणारा ख्रिस गेल 46 धावा करुन बाद झाला. ख्रिस गेलनं कायल जेमिसनच्या एकाच ओव्हरमध्ये 5 चौकार ठोकले.
गेलच्या आक्रमक खेळीमुळे बंगळुरुच्या गोलंदाजांना चांगलचं दडपण आलेलं. मात्र गेल बाद झाल्यानंतर फलंदाजीसाठी आलेले शाहरुख खान आणि दीपक हुड्डा मैदानावर तग धरु शकले नाहीत. पूरन शून्यावर तर दीपक 5 धावांवर बाद झाला. तर शाहरुख खान देखील शून्यावर बाद झाला.
एकीकडे फलंदाज बाद होत असताना कर्णधार केएल राहुलनं दुसरीकडे फटकेबाजी सुरु ठेवली होती. राहुलनं 7 चौकार आणि 5 षटकारांच्या मदतीने 57 चेंडूत 91 धावा केल्या. त्याला शेवटी हरप्रीत ब्रार याने राहुलला चांगली साथ दिली. हरप्रीतनं 17 चेंडूत 25 धावा केल्या.
पंजाबने या हंगामात खेळलेल्या 6 सामन्यांपैकी 2 सामन्यात विजय मिळवला आहे. तर बंगळूरूने आतापर्यंत खेळलेल्या 6 पैकी 5 सामन्यात विजय मिळवला आहे.
महत्त्वाच्या बातम्या
