Paralympic 2020 : भालाफेकमध्ये देवेंद्र झाझरियानं रौप्य तर सुंदर गुजरनं कांस्यपदकावर कोरलं आपलं नाव

Paralympic 2020 : पॅरालिम्पिकच्या भालाफेकमध्ये देवेंद्र झाझरियानं रौप्य तर सुंदर गुजरनं कांस्यपदकावर कोरलं आपलं नाव.

Devendra Jhajhariya and Sundar Gurjar

Paralympic 2020 : टोकियो पॅरालिम्पिकच्या भालाफेक स्पर्धेत भारतीय खेळाडूंनी इतिहास रचला आहे. देवेंद्र झाझरियानं रौप्यपदक तर सुंदर गुजरनं कांस्यपदकावर आपलं नाव कोरलं आहे. त्यामुळे आलाफेकमध्ये भारतीय खेळाडूंच्या खात्यात आणखी दोन पदकांची भर पडली आहे. यासोबतच भारतानं आतापर्यंत पॅरालिम्पिकमध्ये 7 पदकांची कमाई केली आहे. 

श्रीलंकेच्या Mudiyanselage Herath ने सुवर्णपदकावर नाव कोरलं. त्यानं 67.79 मीटरचा थ्रो केला. तसेच देवेंद्रनं 64.35 मीटर आणि सुंदर सिंहनं 64.01 मीटर लांब भाला फेकला. राजस्थानच्या चुरु जिल्ह्यातील देवेंद्र झाझरियानं यापूर्वी रियो पॅरालिम्पिकमध्ये सुवर्णपदकावर आपलं नाव कोरलं होतं. देवेंद्रच्या नावावर भारतासाठी दोन वेळा सुवर्णपदक जिंकल्याचा रेकॉर्ड आहे. 

टोकियो पॅरालिम्पिकमध्ये भारताची नेमबाज अवनी लेखरा हिची सुवर्ण कामगिरी पाहायला मिळत आहे. 10 मीटर एअर रायफल स्पर्धेत अवनी लेखराला सुवर्ण पदक मिळालं आहे. दरम्यान, अवनी लेखरानं क्वॉलिफिकेश राउंडमध्ये सातवं स्थान पटकावलं होतं. अवनीनं यासोबतच आणखी एक इतिहास रचला आहे. पॅरालिम्पिकमध्ये भारताला सुवर्णपदक मिळवून देणारी अवनी ही पहिली खेळाडू ठरली आहे. 

टोकियोमध्ये सुरु असलेल्या पॅरालिम्पिकमध्ये भारताची आजची सुरुवात जबरदस्त झाली आहे. आज अवनी लेखरानं सुवर्णपदक जिंकल्यानंतर योगेश कठुनियानं थाळीफेकमध्ये भारताला रौप्यपदक मिळवून दिलं आहे. योगेशनं 44.38 मीटर थाळीफेक करत पदकावर शिक्कामोर्तब केलं. त्याआधी भारताच्या अवनी लेखरानं 1 मीटर्स एअर रायफल्समध्ये सुवर्ण वेध घेत भारताला सुवर्णपदक जिंकून देत आजच्या दिवसाची शानदार सुरुवात करुन दिली होती.