पहिला सामना जिंकला पण गुजरातला मोठा धक्का, विल्यमसन आयपीएलमधून आऊट
IPL 2023 : गुजरात संघाने आयपीएलच्या 16 व्या हंगामाची सुरुवात विजयाने केली. पण पहिल्याच सामन्यात गुजरातला मोठा धक्का बसला
Kane Williamson ruled out of IPL 2023 : हार्दिक पांड्याच्या गुजरात संघाने आयपीएलच्या 16 व्या हंगामाची सुरुवात विजयाने केली. पण पहिल्याच सामन्यात गुजरातला मोठा धक्का बसला आहे. अनुभवी केन विल्यमसन दुखापतीमुळे संपूर्ण आयपीएलमधून बाहेर गेलाय. चेन्नईविरोधातील सामन्यात फिल्डिंग करताना विल्यमसनच्या पायाला दुखापत झाली होती. दोन खेळाडूंनी विल्यमसनला मैदानाबाहेर नेले होते. विल्यमसनच्या पायाचे एक्स रे आणि स्कॅन करण्यात आले, त्यानंतर तो काही दिवस क्रिकेट खेळू शकत नसल्याचे समोर आले आहे. विल्यमसन आयपीएलमधून बाहेर गेलाय.
ऋतुराज गायकवाड याचा झेल घेण्याच्या प्रयत्नात विल्यमसन दुखापतग्रस्त झाला होता. फिल्डिंग करताना 13 व्या षटकात जोशुआ लिटिलच्या चेंडूवर विल्यमसनला दुखापत झाली. जोशुआच्या चेंडूवर ऋतुराज गायकवाड याने मोठा फटका मारला, त्याचवेळी सीमारेषावर असलेल्या विल्यमसन याने झेल घेण्याचा प्रयत्न केला. विल्यमसन जवळपास तीन सेकंद हवेत झेपावत चेंडू आतामध्ये टाकला. पण जमीनीवर पडताना त्याच्या पायाला दुखापत झाली. ही दुखापत गंभीर असून विल्यमसनला काही काळ क्रिकेटपासून दूर राहावे लागणार आहे. त्यामुळे विल्यमसन आयपीएलमधून बाहेर पडलाय.
Kane Williamson ruled out of IPL 2023. (Source - Sports Tak)
— Johns. (@CricCrazyJohns) April 1, 2023
Awful injury yesterday. Suspicious of potential ACL rupture. Thoughts with Kane Williamson. Get well soon! #IPL23 pic.twitter.com/OHfahWNREN
— Prithish S Narayan (@PrithishNarayan) April 1, 2023
विल्यमसनच्या जागी कोण?
विल्यमसनच्या जागी गुजरात संघ ऑस्ट्रेलियाचा स्टार खेळाडू स्टिव्ह स्मिथ याला संधी देऊ शकतो. उर्वरित आयपीएलमध्ये स्मिथ गुजरात संघाकडून खेळताना दिसण्याची शक्यता काही प्रसारमाध्यमांनी वर्तवली आहे. सध्या स्मिथ समालोचक म्हणून काम पाहात आहे. पण विल्यमसनला दुखापत झाल्यानंतर स्मिथसोबत गुजरात करार करु शकतो, असा अंदाज वर्तवलाय. डिसेंबर 2022 मध्ये झालेल्या आयपीएल लिलावात स्मिथवर कोणत्याही संघाने बोली लावली नव्हती. स्मिथची बेस प्राईज दोन कोटी रुपये इतकी होती. स्मिथला खरेदी कऱण्यासाठी एकही संघ समोर आला नव्हता. आता विल्यमसन दुखापतग्रस्त झाल्यानंतर गुजरात स्मिथसोबत करार करु शकतो.
आयपीएलचा स्मिथकडे तगडा अनुभव -
ऑस्ट्रेलियाच्या स्टार खेळाडूकडे आयपीएलमध्ये खेळण्याचा तगडा अनुभव आहे. आतापर्यंत स्मिथने 103 सामने खेळले आहेत. 93 डावात फलंदाजी करताना स्मिथने 34 च्या सरासरीने 2485 धावा चोपल्या आहेत. यादरम्यान एक शतक आणि 11 अर्धशतकांचा समावेश आहे.
आंतरराष्ट्रीय क्रिकेटचाही स्मिथकडे मोठा अनुभव आहे. स्मिथने आतापर्यंत 96 कसोटी, 142 वनडे आणि 63 टी20 सामने खेळले आहेत. यामध्ये कसोटीत 8792, वनडेत 4939 आणि टी 20 मध्ये 1008 धावा आहेत.
महत्त्वाच्या बातम्या
