IPL 2022: वानिंदु हसरंगाची भेदक गोलंदाजी, कोलकात्याचा संघ 128 धावांवर ऑलआऊट!

नवी मुंबईच्या (Navi Mumbai) डी वाय पाटील स्टेडियमवर (DY Patil Stadium) सुरु असलेल्या आयपीएलच्या सहाव्या सामन्यात कोलकात्यानं बंगळुरूसमोर (RCB Vs KKR) 129 धावांचं आव्हान ठेवलं आहे.

IPL_2022,_RCB_vs_KKR_(2)

RCB Vs KKR, IPL 2022: नवी मुंबईच्या (Navi Mumbai) डी वाय पाटील स्टेडियमवर (DY Patil Stadium) सुरु असलेल्या आयपीएलच्या सहाव्या सामन्यात कोलकात्यानं बंगळुरूसमोर (RCB Vs KKR) 129 धावांचं आव्हान ठेवलं आहे. या सामन्यात नाणेफेक जिंकून बंगळुरूच्या संघानं प्रथम गोलंदाजी करण्याचा निर्णय घेतला. त्यानंतर प्रथम फलंदाजी करण्यासाठी मैदानात आलेल्या कोलकाताच्या संघानं आरसीबीच्या गोलंदाजांसमोर गुडघे टेकले. कोलकात्यानं 20 षटकात सर्वबाद 128 धावा केल्या आहेत. कोलकात्याकडून आंद्रे रसलनं सर्वाधिक 25 धावा केल्या आहेत. आरसीबीकडून वानिंदु हसरंगानं सर्वाधिक चार विकेट्स घेतल्या आहेत. 

नाणेफेक गमवल्यानंतर प्रथम फलंदाजी करण्यासाठी मैदानात आलेल्या कोलकात्याची संघाची खराब सुरुवात झाली. कोलकात्याचे सलामीवीर व्यंकटेश अय्यर आणि अजिंक्य राहणेला मोठी धावसंख्या उभारता आली नाही. अवघ्या 10 धावांवर असताना व्यंकटेश अय्यरनं आपली विकेट्स गमावली. त्यानंतर मोहम्मद सिराजच्या गोलंदाजीवर अजिंक्य रहाणेही (9 धावा) बाद झाला. मात्र, त्यानंतर हसरंगानं त्याची जादू दाखवायला सुरुवात केली. त्याने श्रेयस अय्यरला अवघ्या 13 धावांवर माघारी धाडलं. त्यापाठोपाठ हसरंगानं लगेच जॅक्सनला बोल्ड केलं. त्यानंतर हसरंगानं पुन्हा एकदा आपली जादू दाखवत टीम साउथीनं अवघी एक धाव केलेली असताना त्याला बाद केलं. ज्यामुळं कोलकात्याच्या संघाला 20 षटकात सर्वबाद 128 धावापर्यंत मजल मारता आली. आरसीबीकडून वानिंदु हसरंगानं सर्वाधिक चार विकेट्स घेतल्या. तर, आकाश दीपनं तीन विकेट्स प्राप्त केल्या. हर्षल पटेलनं दोन तर, मोहम्मद सिराजनं एक विकेट्स घेतली.

कोलकात्याचा संघ:
अजिंक्य रहाणे, व्यंकटेश अय्यर, नितिश राणा, श्रेयस अय्यर (कर्णधार), सॅम बिलिंग्ज, शेल्डन जॅक्सन (विकेटकिपर), आंद्रे रसेल, सुनील नरेन, टीम साऊदी, उमेश यादव, वरुण चक्रवर्ती.

बंगळुरूचा संघ:
फाफ डू प्लेसिस (कर्णधार), अनुज रावत, विराट कोहली, दिनेश कार्तिक (विकेट किपर), शेरफेन रदरफोर्ड, शाहबाज अहमद, वानिंदू हसरंगा, डेव्हिड विली, हर्षल पटेल, आकाश दीप, मोहम्मद सिराज.

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha