Video : पाकिस्तानला लाथ मारून IPL खेळायला आला, यॉर्कर बॉलवर षटकार ठोकला, पण पुढचाच बॉल थेट डोक्यावर आपटला अन्...
Prasidh Krishna vs Corbin Bosch : वानखेडे मैदानावर मुंबई इंडियन्सच्या फलंदाजीची कामगिरी अपेक्षेनुसार राहिली नाही.
Prasidh Krishna vs Corbin Bosch : वानखेडे मैदानावर मुंबई इंडियन्सच्या फलंदाजीची कामगिरी अपेक्षेनुसार राहिली नाही. गुजरात टायटन्सच्या गोलंदाजांनी एमआयला 20 षटकांत 155 धावांवर रोखले. मुंबईकडून सूर्यकुमार यादवने सर्वाधिक 35 धावा केल्या. दरम्यान, शेवटच्या षटकांमध्ये कॉर्बिन बॉशने 22 चेंडूत 27 धावा केल्या. बॉशने डावाच्या शेवटच्या षटकात प्रसिद्ध कृष्णाविरुद्ध दोन षटकार मारून सुरुवात केली. पण, पुढच्याच चेंडूवर प्रसिद्धने त्याच्या खतरनाक यॉर्कर बॉलने बॉशला गार केले. प्रसिद्धने चेंडू थेट त्याच्या डोक्यावर मारला आणि फिजिओला मैदानात धाव घ्यावी लागली.
I.C.Y.MI
— IndianPremierLeague (@IPL) May 6, 2025
If the first one was good 😃,
the second was even better 🤩
Corbin Bosch's 2️⃣ outrageous shots for a vital finish 🔥
Updates ▶ https://t.co/DdKG6ZnEXS #TATAIPL | #MIvGT pic.twitter.com/3XAMxFUL0k
कॉर्बिन बॉश त्याच्या फटकेबाजीसाठी ओळखले जातात आणि गुजरातविरुद्धच्या शेवटच्या षटकात, या खेळाडूने प्रसिद्ध कृष्णाच्या पहिल्या चेंडूवर षटकार मारला. कृष्णाच्या दुसऱ्या चेंडूवर बॉशने शानदार षटकार मारला. हा षटकार आश्चर्यकारक होता कारण त्याने त्यासाठी रिव्हर्स स्वीप खेळला. पण, सलग दोन षटकार मारणाऱ्या प्रसिद्धने आपल्या वेगाने बॉशला चकित केले. बॉश वेगाने पूर्णपणे फसला आणि चेंडू त्याच्या हेल्मेटवर आदळला.
Why Prasidh Krishna angry on Corbin Bosch 🙂
— whatever (@whatever22508) May 6, 2025
Back to back attached on him#MIvsGT pic.twitter.com/0AEfUQZIJI
बॉशला काही वेळ काहीच कळले नाही, ज्यामुळे फिजिओला ताबडतोब मैदानावर यावे लागले. नियमांनुसार, बॉशची तपासणी करण्यात आली आणि त्याचे हेल्मेट देखील बदलण्यात आले. यानंतर लगेचच, पुढच्या चेंडूवर दोन धावा चोरण्याचा प्रयत्न करताना बॉशने आपली विकेट गमावली. त्याने 22 चेंडूत दोन षटकार आणि एका चौकाराच्या मदतीने 27 धावा केल्या.
नाणेफेक गमावल्यानंतर मुंबई प्रथम फलंदाजीला आली आणि त्यांची सुरुवात चांगली झाली नाही. रायन रिकेल्टन फक्त 2 धावा करून आऊट झाला. त्याच वेळी, रोहित शर्माला अर्शद खानने 7 धावांवर बाद केले. यानंतर, विल जॅक्स आणि सूर्यकुमार यादव यांनी संघाच्या ढासळत्या डावाची जबाबदारी घेतली. दोघांनीही तिसऱ्या विकेटसाठी अर्धशतकी भागीदारी केली. सूर्या 35 धावा करून बाद झाला. त्याच वेळी, जॅकने 35 चेंडूत 5 चौकार आणि 3 षटकारांच्या मदतीने 53 धावा केल्या. तिलक आणि हार्दिक पांड्या स्वस्तात पॅव्हेलियनमध्ये परतले. बॉशच्या 27 धावांच्या खेळीच्या जोरावर, मुंबईने 20 षटकांत 8 गडी गमावून 155 धावा केल्या.
हे ही वाचा -
महत्त्वाच्या बातम्या
