PBKS vs LSG : पंजाबचे 'किंग्स' लखनौच्या नवाबांना रोखणार का?

PBKS vs LSG, 2022 : केएल राहुल आणि मयांक अग्रवाल...हे दोन मित्र शुक्रवारी आयपीएलच्या मैदानात एक दुसऱ्याविरोधात उभे राहणार आहेत. 

Rahul

PBKS vs LSG, 2022 : आयपीएल 2022 मध्ये शुक्रवारी 42 वा सामना खेळवला जाणार आहे. पंजाब किंग्स आणि लखनौ सुपर जायंट्समध्ये पुण्याच्या एमसीए मैदानावर सामना रंगणार आहे. आयपीएलमध्ये पहिल्यांदाच सहभागी झालाली लखनौ टीम लयीत दिसत आहे. दुसरीकडे पंजाबने कसबसं स्वत:चं स्पर्धेतील आव्हान कायम ठेवलं आहे. दोन्ही संघासाठी हा सामना महत्वाचा आहे. केएल राहुल आणि मयांक अग्रवाल...हे दोन मित्र शुक्रवारी आयपीएलच्या मैदानात एक दुसऱ्याविरोधात उभे राहणार आहेत. 

पंजाबकडून चेन्नईचा पराभव 
पंजाब किंग्स संघाने आपल्या मागील सामन्यात चेन्नईचा पराभव केला होता. शिखर धवनच्या नाबाद 88 धावा आणि गोलंदाजांनी अखेरच्या षटकात केलेल्या भेदक माऱ्याच्या बळावर पंजाबने विजय मिळवला होता. रोमांचक सामन्यात पंजाबने चेन्नईचा 11 धावांनी पराभव केला होता. पंजाबने प्रथम फलंदाजी करताना 187 धावा उभारल्या होत्या. त्यानंतर भेदक गोलंदाजीच्या जोरावर चेन्नईला 176 धावांवर रोखलं होतं. 

लखनौने मुंबईचा केला होता पराभव - 
लखनौने आपल्या मागील सामन्यात राहुलच्या शतकाच्या बळावर मुंबई इंडियन्साचा पराभव केला होता. लखनौने मुंबईचा 36 धावांनी पराभव केला. लखनौने प्रथम फंलदाजी करत 20 षटकात 168 धावा उभारल्या होत्या. राहुलने नाबाद 103 धावांची खेळी केली होती. 169 धावांचा पाठलाग करणारा मुंबईचा संघ 132 धावांपर्यंत मजल मारु शकला. मुंबईचा संघ प्लेऑफमधून बाहेर फेकला गेलाय. प्लेऑफमध्ये पोहचण्यासाठी लखनौला प्रत्येक सामन्यात विजय गरजेचा आहे. 

कधी आहे सामना?
आज 29 एप्रिल रोजी होणारा पंजाब किंग्स आणि लखनौ सुपर जायंट्स यांच्यातील सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल.

कुठे आहे सामना?
पंजाब आणि लखनौ यांच्यातील सामना पुण्यातील एमसीए मैदानावर होणार आहे.  

कुठे पाहता येणार सामना?
पंजाब किंग्स आणि लखनौ सुपर जायंट्स यांच्यातील आजचा सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल.