आयपीएलमधील सर्वात लांब षटकार कुणी लगावला?, युवराज सहाव्या क्रमांकावर 

IPL Marathi news : आयपीएल स्पर्धेत सर्वाधिक षटकारांचा विक्रम वेस्ट विंडिजच्या ख्रिस गेलच्या नावावर आहे. पण आयपीएलमध्ये सर्वात लांब षटकार कुणी मारलाय माहित आहे का? 

IPL 2022

Longest Six in IPL History : आयपीएलच्या रनसंग्रामाला सुरुवात होऊन 15 वर्ष झाली आहेत. आयपीएलला जगातील सर्वात मोठी क्रिकेट लीग स्पर्धा म्हणून ओळखले जाते. प्रत्येकवर्षी विक्रमांवर विक्रम होत असतात. षटकार आणि चौकारांचा पाऊस पडतो. आयपीएल स्पर्धेत सर्वाधिक षटकारांचा विक्रम वेस्ट विंडिजच्या ख्रिस गेलच्या नावावर आहे. पण आयपीएलमध्ये सर्वात लांब षटकार कुणी मारलाय माहित आहे का? 

पंजाबचा विस्फोटक फलंदाज लियाम लिव्हिंगस्टोन याने गुजरातविरोधात मोहम्मद शामीच्या चेंडूवर तब्बल 117 मीटर लांब षटकार लगावला. लिव्हिंगस्टोनच्या या षटकारानंतर क्रिकेट चाहते आश्चर्यचकीत झाले. त्यानंतर सोशल मीडियावर मिम्स आणि ट्वीटचा धुमाकूळ सुरु झाला. लिव्हिंगस्टोनचा षटकार पाहून अनेकांनी डोळे विस्फारले... पण थांबा... लिव्हिंगस्टोन याने मारलेला षटकार सर्वात लांब नाही...आयपीएलच्या इतिहासात यापेक्षाही लांब षटकार लगावण्यात आले आहेत. लिव्हिंगस्टोन याने लगावलेला हा षटकार आयपीएलच्या इतिहासातील दहावा लांब षटकार होता.. याआधी नऊ जणांनी त्यापेक्षा जास्त लांब षटकार लगावण्याचा कारनामा केलाय... 

आयपीएलमध्ये सर्वात लांब षटकार चेन्नईच्या खेळाडूच्या नावावर आहे. 2008 मध्ये एबी मॉर्केल याने तब्बल 125 मीटर लांबीचा षटकार लगावला होता. दुसऱ्या क्रमांकावर पंजाबच्या प्रवीण कुमारचा क्रमांक लागतो. प्रवीण कुमारने 124 मीटर लांब षटकार लगावला होता. सर्वात दूर षटकार लगावणाऱ्या पहिल्या दहा खेळाडूंमध्ये धोनी, विराट, रोहित शर्मा यांचा समावेश नाही. 

आयपीएलमध्ये सर्वात लांब षटकार लगावणारे खेळाडू.....

क्रमांक	वर्ष	खेळाडू	संघ	किती दूर? (in meters)
1	2008	एबी मॉर्केल	चेन्नई	125
2	2011	प्रवीण कुमार	पंजाब	124
3	2011	एडम गिलख्रिस्ट	पंजाब	122
4	2010	रॉबिन उथप्पा	आरसीबी	120
5	2013	ख्रिस गेल	आरसीबी	119
6	2009	युवराज सिंह	पंजाब	119
7	2008	रॉस टेलर	आरसीबी	119
8	2017	गौतम गंभीर	कोलकाता	117
9	2016	बेन कटींग	हैदराबाद	117
10	2022	लियाम लिव्हिंगस्टोन	पंजाब	117