RCB vs GT, Pitch Report : बंगळुरु विरुद्ध गुजरात सामन्यात कोणत्या 11 खेळाडूंकडे सर्वांचे लक्ष, कशी असेल मैदानाची स्थिती?
आयपीएलमध्ये(IPL 2022) आजचा सामना बंगळुरु संघासाठी पुढील फेरीत एन्ट्रीसाठी अत्यंत महत्त्वाचा असणार आहे. त्यात त्यांच्यासमोर बलाढ्य गुजरात संघाचं आव्हान असणार आहे.
RCB vs GT, Pitch Report : आयपीएलमध्ये (IPL 2022) आज ऱॉयल चँलेजर्स बंगळुरु आणि गुजरात टायटन्स (RCB vs GT) हे दोन्ही संघ आमने-सामने येणार आहेत. गुजरातचा संघ आधीच प्लेऑफमध्ये पोहोचला आहे. पण दुसरीकडे बंगळुरु संघ मात्र अजूनही खालच्या स्थानांवर असल्याने त्यांना आज एका मोठ्या विजयाची अत्यंत गरज आहे. गुणतालिकेचा विचार करता गुजरात टायटन्सने 13 पैकी 10 सामने जिंकत 20 गुण मिळवले आहेत. तर बंगळुरुच्या संघाने 13 पैकी 7 सामने जिंकल्याने त्यांच्या खात्यावर 14 गुणच आहेत. त्यामुळे आज बंगळुरुचा संघ विजयासाठी सर्व शक्य प्रयत्न करेल पण बलाढ्य गुजरातला ते मात देऊ शकतील का? हे पाहावे लागेल. त्यामुळे आजचा सामना नक्कीच अटीतटीचा होण्याची शक्यता आहे.
बंगळुरु विरुद्ध गुजरात अशी असेल ड्रीम 11 (RCB vs GT Best Dream 11)
विकेटकीपर- दिनेश कार्तिक, रिद्धिमान साहा
फलंदाज- फाफ डु प्लेसीस, विराट कोहली, शुभमन गिल, रजत पाटीदार
ऑलराउंडर- ग्लेन मॅक्सवेल, हार्दिक पांड्या
गोलंदाज- वानिंदू हसरंगा, राशिद खान, मोहम्मद शमी
कसा आहे पिच रिपोर्ट?
आजचा सामना मुंबईतील वानखेडे मैदानात पार पडणार आहे. इतर मैदानांच्या तुलनेत वानखेडेची सीमारेषा काहीशी छोटी असल्याने चौकार-षटकारांची बरसात याठिकाणी होते. त्यामुळे मोठी धावसंख्या उभा राहण्याची शक्यता आहे. दरम्यान आजचा सामना सायंकाळच्या सुमारास असल्याने दुसऱ्या इनिंगमध्ये दवाची अडचण येऊ शकते. म्हणूनच नाणफेक जिंकणारा संघ प्रथम गोलंदाजी घेण्याची दाट शक्यता आहे.
हे देखील वाचा-
महत्त्वाच्या बातम्या
ट्रेंडिंग न्यूज
