PBKS vs SRH, Head to Head : पंजाब विरुद्ध हैदराबादमध्ये रंगणार आजची लढत, अशी आहे आतापर्यंतची आकडेवारी

IPL 2022 : आज पार पडणाऱ्या पंजाब किंग्स आणि सनरायजर्स हैदराबाद सामन्यापूर्वी दोघांच्या एकमेंकाविरुद्धच्या आतापर्यंतच्या कामगिरीवर एक नजर...

PBKS vs SRH

PBKS vs SRH : यंदाच्या आयपीएलमधील (IPL 2022) 27 व्या सामन्यात पंजाब किंग्स आणि सनरायजर्स हैदराबाद (PBKS vs SRH) हे दोन्ही संघ आमने-सामने असणार असणार आहेत. आजचा सामना नवी मुंबईतील डी.वाय. पाटील स्टेडियमवर खेळवला जाणार आहे. आजचा सामना दुपारच्या वेळेत होणार आहे, त्यामुळे उष्णता अधिक असल्याने दवाची अडचण अधिक होणार नाही. दवाची अडचण नसल्याने नाणेफेक आजच्या सामन्यात मोठा प्रभाव पाडणार नसल्याचं ही तज्ज्ञांचं मत आहे.

पंजाब विरुद्ध हैदराबाद Head to Head

आयपीएलमध्ये आजवर पंजाब किंग्स आणि सनरायजर्स हैदराबाद बंगळुरु (PBKS vs SRH) हे संघ तब्बल 17 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता हैदराबादचं पारडं जड राहिलं आहे. त्यांनी 12 सामन्यात विजय मिळवला आहे. तर पंजाबने केवळ 5 सामने जिंकण्यात यश मिळवलं आहे. 

आजच्या सामन्यात अशी असू शकते संभाव्य अंतिम 11  

पंजाब - मयांक अगरवाल (कर्णधार), शिखर धवन, लियाम लिव्हिंगस्टोन, भानुका राजपक्षा (विकेटकीपर), शाहरुख खान, ओडियन स्मिथ, राज बावा, अर्शदीप सिंग, हरप्रीत ब्रार, संदीप शर्मा, राहुल चाहर

हैदराबाद - अभिषेक शर्मा, राहुल त्रिपाठी, केन विल्यमसन (कर्णधार) निकोलस पूरन (विकेटकीपर), एडन मार्करम, वॉशिंग्टन सुंदर, अब्दुल समाद, रोमारियो शेफर्ड, भुवनेश्वर कुमार, उम्रान मलिक, टी नटराजन 

हे देखील वाचा-