![ABP Premium](https://cdn.abplive.com/imagebank/Premium-ad-Icon.png)
DC vs KKR, Head to Head : दिल्ली आणि कोलकात्यामध्ये रंगणार आजची लढत, अशी आहे आतापर्यंतची आकडेवारी
IPL 2022 : आज पार पडणाऱ्या दिल्ली कॅपिटल्स आणि कोलकाता नाईट रायडर्स सामन्यापूर्वी दोघांच्या एकमेंकाविरुद्धच्या आतापर्यंतच्या कामगिरीवर एक नजर...
![DC vs KKR, Head to Head : दिल्ली आणि कोलकात्यामध्ये रंगणार आजची लढत, अशी आहे आतापर्यंतची आकडेवारी In IPL 2022 Delhi Capitals vs Kolkata Knight Riders know head to head statistics DC vs KKR, Head to Head : दिल्ली आणि कोलकात्यामध्ये रंगणार आजची लढत, अशी आहे आतापर्यंतची आकडेवारी](https://feeds.abplive.com/onecms/images/uploaded-images/2022/04/27/2ebf68ef4cfc40e2267db8a238c32bd9_original.jpg?impolicy=abp_cdn&imwidth=1200&height=675)
DC vs KKR : यंदाच्या आयपीएलमधील (IPL 2022) 41 व्या सामन्यात दिल्ली कॅपिटल्स आणि कोलकाता नाईट रायडर्स (DC vs KKR) हे दोन्ही संघ आमने-सामने असणार आहेत. आजचा हा सामना मुंबईच्या प्रसिद्ध वानखेडे मैदानात पार पडणार आहे. दोन्ही संघाची यंदाच्या हंगामातील कामगिरी सुमार असली तरी एका दमदार आणि उत्तम खेळीचे प्रदर्शन त्यांच्याकडून दाखवण्यात आलं आहे.
यंदाच्या आयपीएलमध्ये दिल्ली कॅपिटल्सने 7 पैकी 3 सामने जिंकत 6 गुणांसह सातवं स्थान मिळवलं आहे. तर आठव्या स्थानावर असणाऱ्या कोलकाता नाईट रायडर्स संघाने 8 पैकी 3 सामने जिंकत सहाच गुण मिळवले आहेत. दोघांचा फॉर्म समसमान असल्याने आजचा सामनाही रंगतदार होऊ शकतो, या सामन्यापूर्वी दोन्ही संघाच्या आजवरच्या इतिहासावर एक नजर फिरवूया...
दिल्ली विरुद्ध कोलकाता Head to Head
आयपीएलमध्ये आजवर दिल्ली कॅपिटल्स आणि कोलकाता नाईट रायडर्स (DC vs KKR) हे संघ तब्बल 30 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता कोलकात्याचं पारडं काहीसं जड राहिलं आहे. त्यांनी 16 सामन्यात विजय मिळवला आहे. तर दिल्लीने 13 सामने जिंकण्यात यश मिळवलं आहे. याशिवाय एक सामना अनिर्णीत राहिला आहे.
आजच्या सामन्यात अशी असू शकते संभाव्य अंतिम 11
दिल्ली - ऋषभ पंत (कर्णधार आणि विकेटकीपर), डेव्हिड वॉर्नर, पृथ्वी शॉ, सरफराज खान, ललित यादव, रोवमन पोवेल, अक्षर पटेल, शार्दुल ठाकूर, कुलदीप यादव, मुस्तफिझूर रहमान, शार्दूल ठाकूर.
कोलकाता - वेंकटेश अय्यर, श्रेयस अय्यर (कर्णधार), नितीश राणा, आंद्रे रसेल, सॅम बिलिंग्ज (विकेटकीपर), रिंकू सिंग, सुनील नारायण, टीम साऊदी, शिवम मावी, उमेश यादव, वरुण चक्रवर्ती
हे ही वाचा -
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)