![ABP Premium](https://cdn.abplive.com/imagebank/Premium-ad-Icon.png)
CSK vs DC, Pitch Report : आज दिल्लीसमोर चेन्नईचे आव्हान; 'या' 11 खेळाडूंकडे सर्वांचे लक्ष, कशी असेल मैदानाची स्थिती?
CSK vs DC : आज आयपीएलमध्ये दोन सामने पार पडणार असल्याने क्रिकेट प्रेमींना दोन चुरशीच्या लढती पाहायला मिळू शकतात. यातील दुसरा सामना चेन्नई सुपरकिंग्स आणि दिल्ली कॅपिटल्स यांच्यात होईल.
![CSK vs DC, Pitch Report : आज दिल्लीसमोर चेन्नईचे आव्हान; 'या' 11 खेळाडूंकडे सर्वांचे लक्ष, कशी असेल मैदानाची स्थिती? In CSK vs DC IPL match which 11 players will play best game and hows pitch report know details CSK vs DC, Pitch Report : आज दिल्लीसमोर चेन्नईचे आव्हान; 'या' 11 खेळाडूंकडे सर्वांचे लक्ष, कशी असेल मैदानाची स्थिती?](https://feeds.abplive.com/onecms/images/uploaded-images/2022/05/08/322abe9a4d56c7854b07bc2f0ee4efbd_original.jpeg?impolicy=abp_cdn&imwidth=1200&height=675)
CSK vs DC, Pitch Report : आयपीएलमध्ये (IPL 2022) आज दिवसातील दुसरा सामना चेन्नई सुपरकिंग्स आणि दिल्ली कॅपिटल्स (CSK vs DC) या दोन्ही संघात पार पडणार आहे. यावेळी चेन्नईचे पुढील फेरीत पोहोचण्याची शक्यता अत्यंत कमी असली तरी स्पर्धेतील आव्हान जिवंत ठेवण्यासाठी ते लढतील. तर दुसरीकडे दिल्लीला पुढील फेरीत पोहचण्यासाठी आजचा विजय अत्यंत महत्त्वाचा आहे.
गुणतालिकेचा विचार करता चेन्नईसाठी यंदाची स्पर्धा अत्यंत खराब राहिली असून त्यांनी 10 पैकी केवळ 3 सामन्यात विजय मिळवता आला आहे. तर, दिल्लीनं यंदाच्या हंगामात 10 सामने खेळत त्यापैकी 5 सामन्यात विजय तर, 5 सामन्यात पराभव स्वीकारला आहे. याशिवाय आजवरचा इतिहास पाहता चेन्नई सुपरकिंग्ज आणि दिल्ली कॅपिटल्स 26 वेळा आमने सामने आले आहेत. यापैकी 16 सामन्यात चेन्नईच्या संघानं विजय मिळवला आहे. तर, दिल्लीच्या संघाला 10 सामन्यात विजय मिळवता आला आहे. आकडेवारी पाहता चेन्नईच्या संघाचं पारडं जड दिसत आहे. दरम्यान आतापर्यंतच्या सामन्यांत खेळाडूंच्या फॉर्मचा विचार करता कोणत्या 11 (Probable 11) खेळाडूंकडे सर्वांचे लक्ष असेल ते पाहूया...
चेन्नई विरुद्ध दिल्ली अशी असेल ड्रीम 11 (CSK vs DC Best Dream 11)
विकेटकीपर- ऋषभ पंत
फलंदाज- डेव्हिड वॉर्नर, ऋतुराज गायकवाड, पृथ्वी शॉ, डेव्हॉन कॉनवे,
ऑलराउंडर- मोईन अली, रोवमेन पॉवेल, शार्दुल ठाकूर
गोलंदाज- कुलदीप यादव, मुकेस चौधरी, खलील अहमद
कसा आहे पिच रिपोर्ट?
आजचा सामना नवी मुंबईतील डी.वाय. पाटील मैदानात पार पडणार आहे. विशेष म्हणजे चेन्नईने याठिकाणी 3 पैकी 2 सामने जिंकले असून दिल्लीकरांसाठी त्याचं आव्हान अवघड असेल. त्यात आजचा सामना सायंकाळच्या सुमारास होणार असल्याने दुसऱ्यांदा गोलंदाजी करणाऱ्या संघाला दवाची अडचण येऊ शकते, त्यामुळे नाणेफेक जिंकणारा संघ प्रथम गोलंदाजी घेण्याची शक्यता अधिक आहे.
हे देखील वाचा-
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)