RR vs GT : हिट हिट हेटमायर... शिमरॉनची दमदार खेळी, शेवटच्या ओव्हरमध्ये षटकार ठोकत गुजरातवर मात

Rajasthan Royals vs Gujrat Titans : राजस्थान रॉयल्सने (RR) गतविजेत्या गुजरात टायटन्सचा (GT) 3 गडी राखून पराभव केला.

Rajasthan Royals vs Gujrat Titans

IPL 2023 GT vs RS : इंडियन प्रीमियर लीग 2023 च्या 23 व्या सामन्यात गतविजेता गुजरात टायटन्स (GT) आणि गेल्या मोसमातील उपविजेते राजस्थान रॉयल्स (RR) यांच्यात रोमांचक सामना पाहायला मिळाला. आयपीएल 2023 मध्ये  (IPL) राजस्थान रॉयल्सने रविवारी (16 एप्रिल) अहमदाबाद येथे झालेल्या सामन्यात त्याने गुजरात टायटन्सचा 3 गडी राखून पराभव केला. कर्णधार संजू सॅमसन 60 धावांची खेळी खेळल्यानंतर बाद झाला, मात्र त्यानंतर हेटमायरने 26 चेंडूत 5 षटकार आणि 2 चौकारांच्या मदतीने नाबाद 56 धावा करत राजस्थान संघाला 3 गडी राखून विजय मिळवून दिला.

हेटमायरची दमदार अर्धशतकी खेळी

गुजरातच्या घरच्या मैदानावर म्हणजेच अहमदाबादच्या नरेंद्र मोदी स्टेडियमवर हा सामना खेळवण्यात आला. या सामन्यात राजस्थानचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना गुजरात संघाने 20 षटकांत 7 गडी गमावून 177 धावा केल्या आणि राजस्थानला विजयासाठी 178 धावांचे लक्ष्य दिले. 

पाहा व्हिडीओ : शेवटच्या षटकातील रोमांच

WHAT. A. GAME! 👌 👌

A thrilling final-over finish and it's the @rajasthanroyals who edge out the spirited @gujarat_titans! 👍 👍

Scorecard 👉https://t.co/nvoo5Sl96y#TATAIPL | #GTvRR pic.twitter.com/z5kN0g409n

— IndianPremierLeague (@IPL) April 16, 2023

राजस्थान संघासमोर विजयासाठी 178 धावांचं लक्ष्य होतं. कर्णधार संजू सॅमसन 60 धावा आणि हेटमायर नाबाद 56 धावांची दमदार खेळी केली. यामुळे राजस्थान संघाने 19.2 षटकात 179 धावा करत 3 गडी राखून सामना जिंकला. राजस्थानने गुजरात संघावर त्यांच्या घरच्या मैदानावर विजय मिळवला. आयपीएलमध्ये पहिल्यांदाच गुजरातला पराभूत करण्यात राजस्थान संघाला यश आले. इंडियन प्रीमियर लीगच्या इतिहासात राजस्थान रॉयल्स संघाने गुजरात टायटन्स पहिल्यांदाच विजय मिळवला.

राजस्थानची गुजरातवर तीन गडी राखून विजय

आयपीएल 2023 मध्ये (IPL 2023) अहमदाबादच्या नरेंद्र मोदी स्टेडिअमवर (Narendra Modi Stadium) रंगलेल्या 23 व्या सामन्यात राजस्थान रॉयल्सने (Rajasthan Royals) बाजी मारली. राजस्थान संघाने गुजरात टायटन्स (Gujrat Titans) संघाचा त्यांच्याच घरच्या मैदानावर पराभव केला. राजस्थानविरुद्ध प्रथम फलंदाजी करताना गुजरात संघाला 20 षटकांत केवळ 178 धावांपर्यंत मजल मारता आली. हा सामना राजस्थान संघाने शेवटच्या षटकात चार चेंडू शिल्लक असताना जिंकला. राजस्थानचा कर्णधार संजू सॅमसन आणि शिमरॉन हेटमायरनं दमदार अर्धशतकी खेळी करत संघाला विजय मिळवून दिला. राजस्थान रॉयल्सने गुजरात टायटन्सचा तीन गडी राखून पराभव केला.

महत्त्वाच्या इतर बातम्या :