'वेगवान' मलिक!, आता फेकला IPL इतिहासातील दुसरा सर्वात वेगवान चेंडू
Umran Malik, IPL 2022 : आयपीएलच्या 15 व्या मोसमात अवघ्या 22 वर्षांच्या या युवा गोलंदाजानं अवघ्या देशाचं लक्ष वेधून घेतलंय.
Umran Malik, IPL 2022 : जम्मू काश्मिरचा वेगवान गोलंदाज उमरान मलिक (Umran Malik) ने दिल्लीविरोधातील सामन्यात वाऱ्याच्या वेगानं गोलंदाजी केली. उमरान मलिक याने या सामन्यात तब्बल 150 kmph पेक्षाही जास्त वेगानं चेंडू फेकला. दिल्लीविरोधात उमरान मलिक याने वेगाचे सर्व विक्रम जवळपास मोडीत काढले. उमरान मलिक याने यंदाच्या आयपीएलमधील सर्वात वेगवान चेंडू फेकला. तर आयपीएल इतिहासातील हा दुसरा वेगवान चेंडू होता.
आयपीएलच्या इतिहासात सर्वात वेगवान चेंडू टाकणारे गोलंदाज
1. शॉन टैट – 157.3kmph.
2. उमरान मलिक – 157kmph.
3. एनरिक नॉर्त्जे – 156.2kmph.
4. उमरान मलिक – 156kmph.
5. एनरिक नॉर्त्जे – 155.2kmph
आयपीएल इतिहासात ऑस्ट्रेलियाच्या शॉन टैटने (Shaun Tait) सर्वात वेगवान चेंडू फेकला आहे. शॉन टैचने तब्बल 157.3kmph वेगाने चेंडू टाकला होता. उमरान मलिक याने शुक्रवारी तब्बल 157 kmph च्या वेगाने चेंडू फेकत या विक्रमच्या जवळ पोहचण्याचा कारनामा केलाय. आयपीएलच्या 15 व्या मोसमात अवघ्या 22 वर्षांच्या या युवा गोलंदाजानं अवघ्या देशाचं लक्ष वेधून घेतलंय. सुरुवातीला उमरान मलिक अनेकांच्या नजरेत भरला तो त्याच्या भन्नाट वेगामुळे. यंदाच्या आयपीएलमध्ये प्रत्येक सामन्यात वेगवान चेंडू टाकणाऱ्या गोलंदाजाला खास पुरस्कार दिला जातो. सनरायझर्स हैदराबादच्या गेल्या आठ सामन्यात सलग आठ वेळा दीडशे किलोमीटर्सपेक्षा जास्त वेगानं गोलंदाजी करून उमरान मलिकनं हा पुरस्कार पटकावलाय. याच वेगाच्या जोरावर उमरान मलिकनं आतापर्यंत आठ सामन्यात 12 च्या सरासरीनं तब्बल 15 विकेट्स घेतल्या आहेत. गुजरातविरुद्ध 25 धावात 5 विकेट्स ही त्याची आतापर्यंतची सर्वोत्तम कामगिरी आहे
उमरान मलिक याने19 व्या षटकात 153kmph, 145kmph, 154kmph, 157kmph आणि 156 kmph च्या वेगाने गोलंदाजी केली. पण अखेरच्या चेंडूपर्यंत उमरान मलिकला विकेट घेण्यात अपयश आले. उमरान मलिकने चार षटकात सहा वाईडसह 52 धावा खर्च केल्या. उमरान मलिकच्या चेंडूवर दिल्लीच्या फलंदाजांनी धावांचा पाऊस पाडला.
Umran Malik bowled 153 Kmph, 154 Kmph, 155 Kmph, 157 Kmph in the 20th over vs DC.
— Johns. (@CricCrazyJohns) May 5, 2022
आयपीएलनं आजवर अनेक खेळाडू भारतीय संघाला दिले आहेत. हार्दिक पंड्या, जसप्रीत बुमरा, कृणाल पंड्या, शार्दूल ठाकूर याशिवाय अलिकडेच संघात आलेले सूर्यकुमार यादव, वरुण चक्रवर्ती, वेंकटेश अय्यर, टी. नटराजन हे सगळे आयपीएलनं दिलेले हिरे आहेत. याच यादीत आता उमरान मलिकचा समावेश होतो का हे पहावं लागेल.
महत्त्वाच्या बातम्या
