![ABP Premium](https://cdn.abplive.com/imagebank/Premium-ad-Icon.png)
Arjun Tendulkar : अर्जून तेंडुलकर मैदानात उतरणार?, मुंबई इंडियन्सच्या हेड कोचचं महत्त्वाचं विधान
यंदाच्या हंगामात अत्यंत खराब कामगिरीमुळे मुंबईचा संघ स्पर्धेतून बाहेर गेला आहे. त्यांचे आणखी 5 सामने शिल्लक असल्याने या सामन्यांत तरी युवा खेळाडू अर्जूलना संधी मिळेल का? याकडे अनेकांचे लक्ष आहे.
![Arjun Tendulkar : अर्जून तेंडुलकर मैदानात उतरणार?, मुंबई इंडियन्सच्या हेड कोचचं महत्त्वाचं विधान Arjun tendulkar may be in final Playing 11 for Mumbai Indians next match head coach mahela jayawardene gave new statement Arjun Tendulkar : अर्जून तेंडुलकर मैदानात उतरणार?, मुंबई इंडियन्सच्या हेड कोचचं महत्त्वाचं विधान](https://feeds.abplive.com/onecms/images/uploaded-images/2022/05/05/0eb38dacd419b751900d59787038d13f_original.png?impolicy=abp_cdn&imwidth=1200&height=675)
Arjun Tendulkar Place Mumbai Indians : आयपीएल स्पर्धेच्या इतिहासातील सर्वात यशस्वी संघ म्हणजे मुंबई इंडियन्स (Mumbai Indians). तब्बल पाच वेळा स्पर्धा जिंकणाऱ्या मुंबईने यंदाच्या हंगामात (IPL 2022) मात्र सुरुवातीचे सलग 8 सामने गमावल्याने त्यांचे आव्हान संपुष्टात आले आहे. त्यांनी नववा सामना जिंकला असून उर्वरीत सामनेही जिंकून शेवट किमान गोड करण्याचा मुंबईचा प्रयत्न असेल. दरम्यान यावेळी संघातील युवा खेळाडू आणि महान क्रिकेटपटू सचिन तेंडुलकरचा मुलगा अर्जून तेंडुलकर (Arjun Tendulkar) मैदानात उतरणार का? याकडेही अनेक मुंबई इंडियन्स फॅन्सचे लक्ष आहे. दरम्यान मुंबईचा हेड कोच महेला जयवर्धने (mahela jayawardene) याने एक महत्त्वपूर्ण विधान यावेळी केलं आहे.
महेला यावेळी बोलताना म्हणाला, 'सध्या तरी सामने गमावल्याने इतर सामने जिंकून आम्ही गमावलेला आत्मविश्वास पुन्हा मिळवण्याच्या प्रयत्नात आहोत. याशिवाय उर्वरीत सामन्यात जिंकण्यासाठी संपूर्ण मेहनत करणार असून बेस्ट खेळाडू असलेला संघच आम्ही मैदानात उतरवू. जर अर्जून यातील एक असेल तर नक्कीच त्याला संधी मिळेल. पण अखेर हा निर्णय टीम कॉम्बिनेशनवर अवंलंबून असणार आहे.'
मागीस वर्षीही अर्जूनला मिळाली नव्हती संधी
आयपीएल 2021 मध्ये सर्वात आधी मुंबई इंडियन्सने 20 लाखांच्या बेस प्राईसला अर्जूलना संघात घेतलं होतं. पण संपूर्ण हंगामात त्याला एकही सामना खेळायला मिळाला नाही. त्यानंतर यंदा आयपीएल 2022 च्या महालिलावात त्याच्या 20 लाख बेस प्राईसवर गुजरात टायटन्सने 25 लाखांची बोली लावली. ज्यानंतर मुंबईने 30 लाखांची बोली लावत त्याला विकत घेतलं. त्यामुळे यंदातरी त्याला संधी मिळणार का हे तरी पाहावं लागेल.
मुंबईचे उर्वरित सामने कुणासोबत अन् कधी?
6 मे - गुजरात टायटन्स
9 मे - कोलकाता नाईट रायडर्स
12 मे - चेन्नई सुपरकिंग्स
17 मे - सनरायजर्स हैदराबाद
21 मे - दिल्ली कॅपिटल्स
हे देखील वाचा-
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)