ICC Cricket World Cup 2023 : 34 वर्षांपूर्वी एकाचवेळी पर्दापण अन् आज सोबत काॅमेन्ट्री; भारत पाक महामुकाबल्यात सचिन-वकार युनूसचा 'स्पेशल रुबाब'!
क्रिकेटचा देव सचिन तेंडुलकर आणि पाकिस्तानचा माजी वेगवान गोलंदाज वकार युनिस आपापल्या संघाला चिअर करताना दिसून आले. रवी शास्त्री यांच्यासोबत समालोचन करताना दोघेही दिसून आले.
अहमदाबाद : वर्ल्डकपमधील (ICC Cricket World Cup 2023) सर्वाधिक रोमांचक मुकाबला भारत विरुद्ध पाकिस्तान जगातील सर्वात मोठे स्टेडियम असणाऱ्या अहमदाबादमधील नरेंद्र मोदी क्रिकेट स्टेडियमर होत आहे. टीम इंडियाचा कर्णधार रोहित शर्माने नाणेफेकी जिंकून प्रथम पाकिस्तानला फलंदाजी दिली. पाकिस्तानने दमदार सुरुवात करत 31 शतकात 3 बाद 157 अशी मजल मारली आहे.
दरम्यान, या सामन्यामध्ये एक वेगळाच क्षण पाहायला मिळाला. तो क्षण भारत आणि पाकिस्तान या दोन्ही संघांना अभिमानास्पद असाच आहे. क्रिकेटचा देव सचिन तेंडुलकर आणि पाकिस्तानचा माजी वेगवान गोलंदाज वकार युनिस (Sachin & Waqar doing commentary together for India vs Pakistan match in World Cup) हे सामन्यावेळी समालोचन करताना दिसून आले. रवी शास्त्री यांच्यासोबत समालोचन करताना दोघेही दिसून आले.
तब्बल 34 वर्षांनी आपापल्या संघाला एकत्र चिअर
तब्बल 34 वर्षांनी दोन्ही खेळाडू दोन्ही आपापल्या संघाला चिअर करताना दिसून आले. इतकेच नव्हे तर 1989 मध्ये सचिन तेंडुलकर सोळा वर्षे होता तेव्हा पाकिस्तानविरुद्ध कसोटीमधून आंतरराष्ट्रीय क्रिकेटचे पदार्पण केलं होतं. त्यानंतर क्रिकेटची दंतकथा होऊन गेला. वकारने सुद्धा पाकिस्तानसाठी दमदार कामगिरी करत देशाचे प्रतिनिधित्व केलं. दोघांची कामगिरी त्यांच्या दोन्ही देशांसाठी तितकीच अभिमानास्पद राहिली असली, तरी क्रिकेटचा देव म्हणून सचिनचा होणारा उल्लेख किंवा त्याची आजवरची खेळी ही वादातीत राहिली आहे. आपल्या कारकिर्दीत पाकिस्तानची धुलाई केली. वर्ल्डकपमध्येही पाकिस्तानविरुद्ध त्याची कामगिरी दमदार राहिली.
1989 - Sachin & Waqar made their Test debut together.
— Johns. (@CricCrazyJohns) October 14, 2023
2023 - Sachin & Waqar doing commentary together for India vs Pakistan match in World Cup. pic.twitter.com/GOUdCdWz0E
गॉड ऑफ क्रिकेटसोबत किंग कोहलीची चर्चा
तत्पूर्वी सचिन तेंडुलकर विराट कोहलीशी सुद्धा मैदानात चर्चा करताना दिसून आला. गॉड ऑफ क्रिकेटसोबत किंग कोहली चर्चा करत असल्याची प्रतिक्रिया सोशल मीडियातून उमटली. दोन दिग्गजांनी बराच वेळ मैदानात चर्चा केली. सामना सुरू होण्यापूर्वी आणखी एक प्रसंग घडला. सचिन तेंडुलकर मैदानात वर्ल्डकपमध्ये उतरल्यानंतरही चाहत्यांनी एकच जल्लोष केला. त्यामुळे हा सगळा सामना लाखो प्रेषकांसाठी संस्मरणीय ठरेल अशाच पद्धतीने होत आहे. सामन्याला सुरुवात होण्यापूर्वी बॉलीवूड गायकांनी गायनाचा कार्यक्रम करत वातावरण पूर्णतः बदलून टाकले. अरजित सिंग, सुखविंदर सिंग, सुनीदी चौहान, शंकर महादेवने यांनी सुरेल संगीतमय कार्यक्रम करत मैदानात भारावून सोडले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
