Fifa World Cup 2022 : फिफा विश्वचषक स्पर्धेत मोठा उलटफेर, मेस्सीचा अर्जेंटिना संघ सौदी अरेबियाकडून 2-1 ने पराभूत
Fifa WC 2022 : फिफा फुटबॉल विश्वचषक स्पर्धेत आज अर्जेंटिना संघासमोर सौदी अरेबियाचं आव्हान होत, अर्जेंटिनाचा संघ कमाल फॉर्मात असतानाही आज त्यांना 2-1 च्या फरकाने पराभूत व्हावं लागलं.
Fifa World Cup 2022 : फिफा विश्वचषक स्पर्धेत (Fifa WC) आज एक मोठा उलटफेर पाहायला मिळाला. फुटबॉल जगतातील स्टार फुटबॉलर लिओनल मेस्सी (Lionel MessI) हा अर्जेंटिना संघाला घेऊन मैदानात उतरला होता. कमाल फॉर्मात असूनही अर्जेंटिनाला त्यांच्या तुलनेत दुबळ्या सौदी अरेबिया (ARG vs KSA) संघाने मात दिली आहे. 2-1 च्या फरकाने अर्जेंटिनाने सामना गमावला आहे.
Saudi Arabia beat Argentina. @adidasfootball | #FIFAWorldCup
— FIFA World Cup (@FIFAWorldCup) November 22, 2022
विशेष म्हणजे अर्जेंटिना संघाने कोपा अमेरिका ही मोठी स्पर्धा जिंकल्यानंतर कमाल फॉर्म दाखवत खेळ केला होता. त्यांनी मागील 36 सामन्यांपासून पराभव पाहिला नव्हता. पण विश्वचषकासारख्या मोठ्या स्पर्धेतच त्याला सलामीचा सामना गमवावा लागला आहे. सामन्यात अर्जेंटिनाकडून लिओनल मेस्सीने (10 मिनिटं) पेनल्टीच्या मदतीनं एक गोलं केला. तर सौदीकडून सालेह अल्सेरीनं (48 मिनिटं) आणि सालेम अल्डवेसरीनं (53 मिनिटं) गोलं केले.
सामन्याचा विचार करता सामना सुरु होण्यापूर्वी मेस्सीच्या अर्जेंटिना संघाचा फॉर्म पाहता ते सहज सामना जिंकतील असं वाटत होतं. त्यांनी सुरुवातही चांगली केली. मेस्सीनं 10 व्या मिनिटांना पेनल्टीच्या मदतीनं गोल करत खातं उघडलं. त्यानंतर दोन्ही संघ अटीतटीचा खेळ करत होते. हाल्फ टाईमपर्यंत 1-0 च्या स्कोरने अर्जेंटिना आघाडीवर होता. पण हाल्फ टाईमनंतर सौदीने आपला खेळ कमालीचा सुधारत 48 व्या मिनिटाला गोल केला. सालेह अल्सेरीनं हा गोल करत सामन्यात बरोबरी साधली. काही वेळातच 53 व्या मिनिटाला सालेम अल्डवेसरीनं गोल करत सौदीची आघाडी 2-1 अशी केली. ज्यानंतर अर्जेंटिना संघाने बरेच प्रयत्न केले. पण सौदीच्या दमदार डिफेन्समुळं तर कधी ऑफसाईडमुळं त्यांना गोल करता आला नाही. ज्यानंतर अखेर सामना संपताना 2-1 अशा स्कोरने सौदीने सामना जिंकला. या विजयासह सौदी अरेबिया संघाने ग्रुप C मध्ये पहिला विजय मिळवत अव्वल स्थान मिळवलं आहे. त्यांच्या नावावर 3 गुण आले आहेत. दरम्यान ग्रुपमधील स्टार संघ अर्जेंटिना मात्र अडचणीत दिसत आहे. अर्जेंटिनाचा पुढील सामना 27 नोव्हेंबर रोजी मेक्सिकोविरुद्ध खेळवला जाणार आहे.
हे देखील वाचा-
महत्त्वाच्या बातम्या
