भारताच्या पोरी इतिहास रचणार! FIDE बुद्धिबळ वर्ल्ड कप फायनलमध्ये कोनेरू हम्पी आणि दिव्या देशमुख आमने-सामने, विजेत्याला मिळणार इतके पैसे

भारताच्या बुद्धिबळ इतिहासात पहिल्यांदाच असा क्षण आला आहे की, FIDE महिला बुद्धिबळ विश्वचषकमध्ये (FIDE Women’s World Cup 2025) विजेतेपद भारतालाच मिळणार हे निश्चित झाले आहे.

Koneru Humpy vs Divya Deshmukh final chess

Source : ABP

Koneru Humpy vs Divya Deshmukh FIDE Women’s World Cup 2025 Final : भारताच्या बुद्धिबळ इतिहासात पहिल्यांदाच असा क्षण आला आहे की, FIDE महिला बुद्धिबळ विश्वचषकमध्ये (FIDE Women’s World Cup 2025) विजेतेपद भारतालाच मिळणार हे निश्चित झाले आहे. कारण अंतिम फेरीत दोनही खेळाडू भारतीय आहेत, अनुभवी ग्रँडमास्टर कोनेरू हम्पी आणि युवा प्रतिभा दिव्या देशमुख.

ग्रँडमास्टर कोनेरू हम्पीने केली कमाल

गुरुवारी झालेल्या उपांत्य फेरीत कोनेरू हम्पीने चीनच्या टिंगजी लेई हिला टायब्रेकमध्ये पराभूत केलं. सामन्याच्या सुरुवातीच्या दोन डावांमध्ये दोघींनीही ड्रॉ खेळले. त्यानंतर टायब्रेकच्या 15-15 मिनिटांच्या डावांमध्ये देखील 1-1 अशी बरोबरी झाली. 10-10 मिनिटांच्या पुढील डावांमध्ये लेईने पहिला डाव जिंकून आघाडी घेतली, पण हम्पीने दुसरा डाव जिंकून सामना पुन्हा बरोबरीत आणला. नंतरच्या टायब्रेक सेटमध्ये हम्पीने पहिल्याच डावात जबरदस्त खेळ करत लेईचा पराभव केला. त्यानंतर फक्त एक ड्रॉ पुरेसा होता, पण हम्पीने तो डावही जिंकून थेट अंतिम फेरी गाठली.

🇮🇳 Humpy Koneru will face 🇮🇳 Divya Deshmukh in the FIDE Women’s World Cup 2025 Final! 🔥#FIDEWorldCup pic.twitter.com/OG0P54Q2og

— International Chess Federation (@FIDE_chess) July 24, 2025

दिव्या देशमुखची धमाकेदार कामगिरी

दुसरीकडे, बुधवारी दिव्या देशमुखने माजी विश्वविजेती चीनच्या झोंगयी टॅन हिला 1.5-0.5 अशा फरकाने हरवून फाईनलमध्ये प्रवेश केला. या ऐतिहासिक अंतिम फेरीमुळे भारताला पहिल्यांदाच FIDE महिला बुद्धिबळ विश्वचषक विजेती मिळणार हे निश्चित झालं आहे. आता सगळ्यांचं लक्ष आहे की, ही ट्रॉफी अनुभवी हम्पी जिंकेल की तरुण दमदार दिव्या देशमुख इतिहास घडवेल.

Player of the Round – Semifinal 🏅
Commentators’ pick: Divya Deshmukh 🇮🇳

🇮🇳 Divya Deshmukh defeated former Women’s World Champion 🇨🇳 Tan Zhongyi with a score of 1.5–0.5 to become the first finalist of the FIDE Women’s World Cup 2025!

📷 Anna Shtourman/FIDE#FIDEWorldCup pic.twitter.com/JOpoTpFpik

— International Chess Federation (@FIDE_chess) July 24, 2025

महिला कँडिडेट्स टूर्नामेंटसाठी देखील पात्रता

या दोघी भारतीय खेळाडूंनी आता पुढील वर्षी होणाऱ्या महिला कँडिडेट्स टूर्नामेंटसाठीही आपली जागा निश्चित केली आहे.

विजेत्याला 41.6 लाखांचे पारितोषिक!

FIDE महिला बुद्धिबळ विश्वचषक 2025 चा अंतिम सामना भारताच्या दोन खेळाडूंमध्ये होणार असून, कोनेरू हम्पी आणि दिव्या देशमुख यांच्यात ही ऐतिहासिक लढत रंगणार आहे. हा अंतिम सामना शनिवार, 26 जुलै रोजी सुरू होईल. पहिला डाव - 26 जुलै (शनिवार) आणि दुसरा डाव - 27 जुलै (रविवार) रोजी असले, आणि जर टायब्रेक्स झाला तर 28 जुलै (सोमवार) रोजी खेळवले जातील.

विजेत्या खेळाडूला $50,000 (सुमारे ₹41.6 लाख रुपये) मिळतील.

उपविजेत्याला $35,000 (सुमारे ₹29.1 लाख रुपये) दिले जातील.

हे ही वाचा -