दुती चंदने इतिहास रचला, 100 मीटर शर्यतीच्या जागतिक स्पर्धेत सुवर्ण पदक

23 वर्षीय दुती चंदने इटलीतील ही 100 मीटर धावण्याची शर्यत 11.32 सेकंदात पूर्ण करत सुवर्णपदकाला गवसणी घातली.

नेपल्स : क्रिकेट विश्वचषकात भारताचं आव्हान उपांत्य फेरीत संपुष्टात आल्याने क्रीडाचाहते काहीसे दु:खी झाले. परंतु भारताची युवा धावपटू दुती चंदने जागतिक स्पर्धेत सुवर्ण पदक पटकावून भारतीयांच्या दु:खावर फुंकर मारली. दुतीच्या या कामगिरीवर ट्विटर तसंच फेसबुक यांसारख्या सोशल मीडियावर तिची वाहवा होत आहे. खुद्द राष्ट्रपतींपासून पंतप्रधानांनीही तिचं कौतुक केलं. धुती चंदचा विक्रम राष्ट्रीय विक्रम रचणारी दुती चंदने बुधवारी (10 जुलै) नवा विक्रम आपल्या नावावर जमा केला. इटलीत सुरु असलेल्या वर्ल्ड युनिव्हर्सिटी गेम्समध्ये 100 मीटर शर्यत केवळ 11.32 सेकंदात पूर्ण करुन तिने सुवर्ण पदकाची कमाई केली. यासोबतच वर्ल्ड युनिव्हर्सिटी गेम्समध्ये सुवर्ण पदक जिंकणारी ती भारताची पहिली महिला धावपटू बनली आहे.

I've been passionately following since my childhood but it never came. Finally, for the first time, a gold for India! Congratulations @DuteeChand for winning the 100m sprint at the Universiade, the World University Games, in Naples🇮🇳 pic.twitter.com/Rh4phsKCEI

— Kiren Rijiju (@KirenRijiju) July 10, 2019

स्वित्झर्लंड, जर्मनीच्या धावपटूंना मागे सोडलं 23 वर्षीय दुती चंदने इटलीतील ही 100 मीटर धावण्याची शर्यत 11.32 सेकंदात पूर्ण करत सुवर्णपदकाला गवसणी घातली. या प्रकारात स्वित्झर्लंडच्या डेल पाँटेने 11.33 सेकंदाचा अवधी घेत रौप्यपदक तर जर्मनीच्या लिसा क्वेईने 11.39 सेकंदाचा अवधी घेत कांस्यपदक मिळवलं. जागतिक स्पर्धेत पदक मिळवणारी दुसरी महिला धावपटू जागतिक स्पर्धेत सुवर्ण पदक जिंकणारी दुती चंद ही हिमा दासनंतर दुसरी धावपटू आहे. हिमाने मागील वर्ल्ड ज्युनिअर अॅथलेटिक्स चॅम्पियनशिपच्या 400 मीटर शर्यतीत सुवर्ण पदक जिंकलं होतं. तर दुती चंजने 2018 च्या आशियाई क्रीडा स्पर्धेत 100 मीटर, 200 मीटर शर्यतीत प्रत्येकी एक रौप्यपदक मिळवलं होतं. राष्ट्रपती, पंतप्रधान, क्रीडा मंत्र्यांकडून अभिनंदन दुती चंदच्या या कामगिरीनंतर राष्ट्रपती रामनाथ कोविंद, पंतप्रधान नरेंद्र मोदी, केंद्रीय क्रीडा मंत्री किरन रिजिजू, ओदिशाचे मुख्यमंत्री नवीन पटनायक, उद्योजक आनंद महिंद्रा यांच्यासह अनेकांनी तिचं अभिनंदन केलं. यानंतर दुतीनेही सगळ्यांचे आभार मानत रिओ ऑलिम्पिकमध्ये सर्वोत्कृष्ट करत सुवर्ण पदक जिंकण्याचा प्रयत्न करेन, असं सांगितलं.

नेपल्स में आयोजित ‘यूनिवर्सियाड’ में 100 मीटर दौड़ की स्पर्धा जीतने पर @DuteeChand को बधाई। इस प्रकार की स्पर्धा में यह भारत का पहला स्वर्णपदक है और देश के लिए यह अपार गर्व का क्षण है। आप ऐसे प्रयास जारी रखें, और ओलंपिक में इससे भी बड़ी सफलता प्राप्त करें — राष्ट्रपति कोविन्द

— President of India (@rashtrapatibhvn) July 10, 2019

Exceptional achievement of an exceptional athlete! Congratulations @DuteeChand for winning a hard earned and well deserved Gold in the Women’s 100 m finals. You make India proud! #Universiade @FISU https://t.co/LVSkbsPZOP

— Narendra Modi (@narendramodi) July 10, 2019