Iran-Israel War : इराण-इस्रायल युद्ध अन् क्रिकेटपटूंची कोंडी; विश्वचषकातून गाशा गुंडाळला, पण घरी जाता येईना, दिल्लीमध्येच मुक्काम
Iran-Israel War Zimbabwe Return Home Delayed : मिडल ईस्टमध्ये तणाव शिगेला पोहोचला आहे. अमेरिका आणि इस्रायल यांनी 28 फेब्रुवारी रोजी इराणवर मोठ्या प्रमाणावर क्षेपणास्त्र हल्ले केले.
Iran-Israel War Zimbabwe Return Home Delayed : मिडल ईस्टमध्ये तणाव शिगेला पोहोचला आहे. अमेरिका आणि इस्रायल यांनी 28 फेब्रुवारी रोजी इराणवर मोठ्या प्रमाणावर क्षेपणास्त्र हल्ले केले. या हल्ल्यांत इराणचे सर्वोच्च नेते अयातुल्ला अली खामेनेई आणि अनेक उच्चपदस्थ सुरक्षा अधिकारी ठार झाल्याची माहिती समोर आली आहे. या घटनेनंतर संपूर्ण मिडल ईस्ट युद्धाच्या उंबरठ्यावर पोहोचला असून इराणने प्रत्युत्तरादाखल इस्रायल आणि आखाती भागातील अमेरिकी तळांवर क्षेपणास्त्रे डागली आहेत. या संघर्षाचे पडसाद आता आयसीसी टी-20 विश्वचषक 2026 वरही उमटू लागले आहेत, ज्याचे आयोजन भारत आणि श्रीलंका करत आहेत.
इराण-इस्रायल युद्धामुळे अडकली टीम (Iran-Israel War Zimbabwe return home delayed)
टी-20 वर्ल्ड कप 2026 मध्ये झिम्बाब्वे समोर मोठे संकट उभे राहिले आहे. स्पर्धेतून बाहेर पडल्यानंतर संघ भारतातून मायदेशी परतण्याच्या तयारीत होता. मात्र मिडल ईस्टमधील हवाई क्षेत्र बंद झाल्यामुळे त्यांच्या परतीच्या प्रवासात मोठा अडथळा निर्माण झाला आहे. झिम्बाब्वेने आपला शेवटचा सामना दक्षिण आफ्रिकेविरुद्ध दिल्लीतील अरुण जेटली स्टेडियम येथे खेळला होता, ज्यात त्यांना पराभव पत्करावा लागला. सुपर-8 फेरीतून बाहेर पडल्यानंतर त्यांचा स्पर्धेतील प्रवास संपला.
सध्या दिल्लीमध्येच मुक्काम
योजनेनुसार संघ सोमवारी सकाळपासून वेगवेगळ्या बॅचमध्ये दिल्लीहून हरारेकडे रवाना होणार होता. एमिरेट्सच्या उड्डाणांद्वारे दिल्ली–दुबई–हरारे असा त्यांचा प्रवास ठरला होता. काही सदस्य पहाटे 4:30 वाजता निघणार होते, तर उर्वरित सदस्य दिवसभरात प्रस्थान करणार होते. परंतु इराण-इस्रायल युद्धानंतर परिस्थिती बिघडली. दुबईसारखे महत्त्वाचे ट्रांझिट हब प्रभावित झाले असून अनेक उड्डाणे रद्द किंवा वळवण्यात आली आहेत. त्यामुळे झिम्बाब्वे संघाची परतीची योजना ठप्प झाली आहे.
सध्या संघ दिल्लीमध्येच थांबलेला आहे आणि 4 मार्चपर्यंत त्यांच्या हॉटेलमध्ये राहण्याची व्यवस्था करण्यात आली आहे. आंतरराष्ट्रीय क्रिकेट परिषदेने (ICC) परिस्थितीवर बारकाईने लक्ष ठेवत पर्यायी योजना तयार करण्यास सुरुवात केली आहे. ट्रॅव्हल सपोर्ट डेस्क सुरू करण्यात आला असून सुरक्षा सल्लागारांच्या मदतीने रिअल-टाइम अपडेट घेतले जात आहेत.
पाकिस्तान संघ परतला मायदेशी (Pakistan team returns home)
पाकिस्तानने शनिवारी त्यांचा शेवटचा सुपर-8 स्टेज सामना खेळला. ते विश्वचषकातून बाहेर पडले आहेत. त्यांच्या पराभवानंतर, ते श्रीलंकेच्या एअरलाइन्सच्या विमानाने कोलंबोहून लाहोरला परतले. शनिवारी सकाळी, अमेरिका आणि इस्रायलने इराणसह क्षेपणास्त्र हल्ले केले, ज्यामुळे पश्चिम आशियातील अनेक देशांचे हवाई क्षेत्र बंद झाले, ज्यामुळे या प्रदेशातील आणि आंतरराष्ट्रीय स्तरावर हवाई प्रवास विस्कळीत झाला. यामुळे अनेक विमान कंपन्यांना उड्डाणे रद्द करावी लागली किंवा मार्ग बदलावे लागले.
हे ही वाचा -
महत्त्वाच्या बातम्या
