WTC Final Scenario : टीम इंडियाचे समीकरण झाले सोपे! जिंकावे लागणार फक्त इतके सामने, बाकीच्या संघाचे काय हाल? जाणून घ्या A टू Z

WTC फायनलची शर्यत झाली अतिशय रोमांचक... कोणाचे किती सामने बाकी अन् किती विजय आवश्यक, जाणून घ्या सर्वकाही एका क्लिकवर

WTC Final Scenario 4 Teams in Race

Source : ABP

WTC Final Scenario 4 Teams in Race : आयसीसी वर्ल्ड टेस्ट चॅम्पियनशिप फायनलमध्ये कोणता संघ पोहोचेल याचे समीकरण प्रत्येक सामन्यासोबत बदलत आहे. त्यामुळे ही शर्यत अतिशय रोमांचक झाले आहे. भारत, दक्षिण आफ्रिका, ऑस्ट्रेलिया आणि श्रीलंका या संघांचा या शर्यतीत समावेश आहे. इंग्लंडकडून पराभूत झाल्यानंतर न्यूझीलंड जवळपास बाहेर पडला आहे. त्यामुळे भारताचा मार्ग सुकर झाला आहे. ऑस्ट्रेलिया, श्रीलंका आणि न्यूझीलंड यांच्या पराभवानंतर WTC पॉइंट टेबलमध्ये काय बदल झाले आहेत, आता भारतासह इतर संघांना अंतिम फेरी गाठण्यासाठी किती सामने जिंकावे लागतील ते जाणून घेऊया?

अंतिम फेरी गाठण्यासाठी टीम इंडियाला किती सामने जिंकावे लागणार?

पर्थ कसोटीत ऑस्ट्रेलियाविरुद्धच्या विजयानंतर भारत चांगल्या स्थितीत दिसत आहे. टीम इंडिया सध्या WTC च्या फायनलमध्ये जाण्याची सर्वात मोठी दावेदार बनली आहे. बॉर्डर-गावसकर ट्रॉफीचा पहिला सामना जिंकून भारतीय संघाने 1-0 अशी आघाडी घेतली. याशिवाय तिने 61.11 टक्के गुणांसह गुणतालिकेत अव्वल स्थान पटकावले आहे. रोहित शर्माच्या संघाचे आता 4 सामने बाकी आहेत. ऑस्ट्रेलियाविरुद्धची कसोटी मालिका 5-0, 4-0, 4-1 किंवा 3-0 अशी जिंकल्यास अंतिम फेरीतील स्थान निश्चित होईल. मालिका 3-0 ने जिंकल्यानंतर भारताचे 62.28 टक्के गुण होतील, ज्यातून फक्त दक्षिण आफ्रिका पुढे जाऊ शकेल.

Exciting changes in the standings as the race to the #WTC25 Final heats up 🤩

More ➡ https://t.co/5lIuiKChEe pic.twitter.com/cyWgptbq5I

— ICC (@ICC) December 1, 2024

तसे झाले नाही आणि भारतीय संघाने ही मालिका गमावली, तरीही त्यांना अंतिम फेरीत जाण्याची संधी असेल. मात्र, यानंतर त्याला इतर संघांच्या निकालावर अवलंबून राहावे लागणार आहे. जर ऑस्ट्रेलियाने बॉर्डर-गावसकर ट्रॉफी 3-2 ने जिंकला तर ते या चक्रात अव्वल स्थानावर राहील. तर भारताचे टक्केवारी गुण 53.51 असतील.

New Zealand's #WTC25 final chances take a big hit following their loss to England in Christchurch 👀#NZvENGhttps://t.co/REv3E3qUtC

— ICC (@ICC) December 1, 2024

या स्थितीत डब्ल्यूटीसी फायनलमध्ये जाण्यासाठी टीम इंडियाला न्यूझीलंड संघ इंग्लंडविरुद्धची मालिका 1-1 अशी बरोबरीत सोडवे अशी प्रार्थना करावी लागले. तर दक्षिण आफ्रिकेने उरलेल्या 3 पैकी 2 सामने गमावावेत. आणि श्रीलंका आणि ऑस्ट्रेलिया यांच्यातील दोन्ही सामने अनिर्णित राहिले पाहिजेत. त्यामुळे न्यूझीलंडला केवळ 52.38, दक्षिण आफ्रिकेला 52.77 आणि श्रीलंकेला 51.28 टक्के गुण मिळतील. म्हणजेच भारत आणि ऑस्ट्रेलियाचे संघ अंतिम फेरीत पोहोचतील.

इतर संघांचे समीकरण काय?

पर्थमधील पराभवानंतर ऑस्ट्रेलियाच्या अडचणी नक्कीच वाढल्या आहेत, पण तरीही त्यांना अंतिम फेरीत जाण्याची संधी आहे. त्याचे 6 सामने बाकी आहेत. यामध्ये कांगारू संघाने 5 सामने जिंकल्यास त्यांचे 65.79 टक्के गुण होतील. तर 4 विजयांसह 1 अनिर्णित राहिल्यास 62.28 टक्के गुण होतील. यासह ती टॉप-2 मध्ये कायम राहील आणि थेट फायनलमध्ये जाईल. दुसरीकडे, दक्षिण आफ्रिकेला थेट अंतिम फेरीत जाण्यासाठी उर्वरित 3 पैकी 2 सामने जिंकावे लागतील आणि 1 अनिर्णित ठेवावा लागेल. याशिवाय जर श्रीलंकेबद्दल बोलायचे झाले तर, त्याचे 3 सामने बाकी आहेत आणि थेट फायनलमध्ये जाण्यासाठी त्यांना सर्व सामने जिंकावे लागतील.