कोहलीचा कट्टर वैरी, ODI मध्ये दोन वर्षांनी वापसी; वर्ल्डकपमध्ये विराट अन् नवीन-उल-हक आमने-सामने

Naveen-Ul-Haq in Afghanistan Squad: अफगाणिस्तानच्या 15 सदस्यीय संघाचं कर्णधारपद हशमतुल्ला शाहिदीकडे सोपवण्यात आलं आहे. तर, कोहलीचा कट्टर वैरी नवीन-उल-हकचं वर्ल्डकपसाठी अफगाणिस्तानच्या संघात पुनरागमन झालं आहे.

Naveen-Ul-Haq in Afghanistan Squad

Source : Social Media

Naveen-Ul-Haq in Afghanistan World Cup 2023 Squad: यंदा वर्ल्डकपचं (ICC World Cup 2023) यजमानपद भारताकडे आहे. 5 ऑक्टोबरपासून भारतात वर्ल्डकपला सुरुवात होणार असून 19 नोव्हेंबरपर्यंत चालणार आहे. सध्या टीम इंडिया (Team India) आशिया कपमध्ये (Asia Cup 2023) खेळत आहे. आशिया कपनंतर टीम इंडिया वर्ल्डकप खेळणार आहे. अशातच वर्ल्डकपच्या चर्चांमध्ये एक चर्चा रंगली आहे ती, विराट कोहलीचा (Virat Kohli) कट्टर दुश्मन वर्ल्डकपमध्ये खेळणार असल्याची. आफगाणिस्तानच्या नवीन-उल-हकचं (Naveen-ul-Haq) वर्ल्डकपसाठी संघात पुनरागमन झालं आहे. विराट कोहली आणि नवीन-उल-हक यांच्यातील आयपीएल दरम्यानचा वाद सर्वश्रुत आहे. अशातच आशिया कपमध्ये विराट आणि नवीन एकमेकांसमोर येतील आणि टशन पाहायला मिळेल असं चाहत्यांना वाटलं होतं. पण आशिया चषकसाठी नवीन-उल-हकचा अफगाणिस्तानच्या संघात समावेश करण्यात आला नव्हता. पण आता वर्ल्डकपसाठी नवीनचं संघात पुनरागमन झालं आहे. त्यामुळे वर्ल्डकपच्या सामन्यात कोहली आणि नवीन यांच्यात टशन पाहायला मिळू शकतं. 

World Cup Bound AfghanAtalan Squad 🚨

Presenting before you the AfghanAtalan squad for the ICC Cricket World Cup 2023 in India. 🤩#AfghanAtalan | #CWC23 | #WarzaMaidanGata pic.twitter.com/r0SGg3KV8v

— Afghanistan Cricket Board (@ACBofficials) September 13, 2023

अफगाणिस्तानच्या 15 सदस्यीय संघाचं कर्णधारपद हशमतुल्ला शाहिदीकडे सोपवण्यात आलं आहे. त्याचबरोबर आशिया कप स्पर्धेत संघाचा भाग नसलेला 23 वर्षीय अष्टपैलू अजमातुल्ला उमरझाई यालाही विश्वचषक संघात स्थान मिळालं आहे. नवीन-उल-हकचे दोन वर्षांच्या कालावधीनंतर अफगाणिस्तान वनडे संघात पुनरागमन झालं आहे, तर वरिष्ठ अष्टपैलू खेळाडू गुलबदिन नायब सध्या चालू असलेल्या आशिया चषकात चांगली कामगिरी करूनही संघात नाही. आशिया चषक स्पर्धेत खेळणाऱ्या संघातून हशमतुल्ला शाहिदीच्या नेतृत्वाखालील या संघात चार बदल करण्यात आले आहेत. नायब नायब व्यतिरिक्त करीम जनात, शराफुद्दीन अश्रफ आणि सुलेमान साफी या खेळाडूंनाही विश्वचषक संघातून वगळण्यात आलं आहे.

नवीन-उल-हकचं 2021 नंतर संघात पुनरागमन

अजमतुल्ला उमरझाई दुखापतीनंतर पुनरागमन अफगाणिस्तानच्या संघात करत आहे, तो दुखापतीमुळे आशिया चषकातून बाहेर होता. 2021 मध्ये शेवटचा वनडे खेळणारा नवीन देखील संघात परतला आहे. नवीननं आतापर्यंत फक्त सात एकदिवसीय सामने खेळले आहेत, ज्यात त्यानं 25.42 च्या सरासरीनं 14 बळी घेतले आहेत. एकदिवसीय क्रिकेटमधून सहा वर्षांनंतर आशिया चषकासाठी परत बोलावलेल्या जनतला वगळण्यात आलं आहे.

1 मे 2023 रोजी लखनऊ येथे झालेल्या रॉयल चॅलेंजर्स आणि लखनऊ सुपरजायंट्स यांच्यातील सामन्यानंतर नवीन-उल-हक प्रसिद्धीझोतात आला होता. याच सामन्यात लखनौकडून खेळताना नवीन विराट कोहलीशी भर मैदानात भिडला होता. नंतर या सामन्यात विराट कोहली आणि गौतम गंभीर यांच्यातही वादही झाला होता. आता नवीनच्या पुनरागमनानं 11 ऑक्टोबर रोजी दिल्लीत भारत आणि अफगाणिस्तान यांच्यातील विश्वचषक सामन्यानं पुन्हा एकदा उत्साहाला उधाण आलं आहे. 

अफगानिस्तान वर्ल्ड कप 2023 स्क्वॉड

हशमतुल्लाह शाहिदी (कर्णधार), रहमानुल्लाह गुरबाज, इब्राहिम जादरान, रियाज हसन, रहमत शाह, नजीबुल्लाह जादरान, मोहम्मद नबी, इकराम अलीखिल, अजमतुल्ला उमरजई, राशिद खान, मुजीब-उर-रहमान, नूर अहमद, फजलहक फारूकी, अब्दुल रहमान, नवीन-उल-हक. 

रिझर्व्ह खेळाडू : गुलबदीन नईब, शराफुद्दीन अशरफ और फरीद अहमद मलिक

महत्त्वाच्या इतर बातम्या :