ICC women world cup 2022: अनिसा मोहम्मदची मोठी कामगिरी, 300 विकेट घेणारी पहिली गोलंदाज ठरली
ICC women world cup 2022 : (Anisa Mohammed) महिला क्रिकेटमध्ये 300 बळी घेणारी वेस्ट इंडिजची पहिली महिला क्रिकेटपटू ठरली आहे.
ICC women world cup 2022 : आयसीसी महिला विश्वचषक (women cricket world cup) स्पर्धेच्या सलामीच्या सामन्यात वेस्ट इंडिजने (west indies) न्यूझीलंडवर (New zeland) तीन धावांनी रोमहर्षक विजय मिळवून स्पर्धेतील आपल्या मोहिमेची विजयी सुरुवात केली. या सामन्यात वेस्ट इंडिजची फिरकी गोलंदाज अनिसा मोहम्मदने तिने 10 षटकात 60 धावा देऊन दोन विकेट घेतल्या होत्या.
झुलन गोस्वामी नंतर अनीसा आता 300 क्लबमध्ये पोहोचली
महिला क्रिकेटमध्ये सर्वाधिक विकेट्स घेण्याचा विक्रम आजही भारतीय वेगवान गोलंदाज झुलन गोस्वामीच्या नावावर आहे. झुलनने आतापर्यंत 345 आंतरराष्ट्रीय विकेट घेतल्या आहेत तर अनीसा आता 300 क्लबमध्ये पोहोचली आहे आणि अशी कामगिरी करणारी ती चौथी गोलंदाज ठरला आहे. महिला क्रिकेटमध्ये अनिसाच्या आधी केवळ तीन गोलंदाजांनी 300 विकेट घेतल्या होत्या. झुलन आणि अनिसाच्या आधी कॅथरीन ब्रंटच्या नावावर 312 आणि एलिस पेरीने 308 विकेट्स घेतल्या आहेत. अनिसा आता 300 बळी घेणारी वेस्ट इंडिजची पहिली महिला खेळाडू ठरली आहे.
वेस्ट इंडिजची विजयी सुरुवात
ICC महिला विश्वचषक 2022 च्या पहिल्या सामन्यात वेस्ट इंडिजने न्यूझीलंडचा तीन धावांनी पराभव केला. प्रथम फलंदाजी करताना वेस्ट इंडिजने 9 बाद 259 धावा केल्या. प्रत्युत्तरात न्यूझीलंडचा संघ 256 धावांवर ऑलआऊट झाला. यजमानांना अखेरच्या षटकात सहा धावा करता आल्या नाहीत. 119 धावा करणाऱ्या 23 वर्षीय हेली मॅथ्यूजला सामनावीर म्हणून गौरवण्यात आले.
महत्त्वाच्या इतर बातम्या :
महत्त्वाच्या बातम्या
