एक्स्प्लोर

INDW vs PAKW : 12 फेब्रुवारीला रंगणार भारत विरुद्ध पाकिस्तान सामना, जाणून घ्या कोणाचं पारडं जड?

Women's T20 WC : महिला T20 विश्वचषक 2023 मध्ये, भारत आणि पाकिस्तानच्या संघांना एकाच गटात ठेवण्यात आलं आहे. 12 फेब्रुवारीला दोन्ही संघ आमनेसामने असतील.

By : एबीपी ब्युरो | Edited By: शशांक पाटील | Updated at : 10 Feb 2023 12:41 PM (IST)

Womens WC India vs Pakistan in icc womens t20 world cup 2023 indw vs pakw match schedule date time venue live telecast and streaming INDW vs PAKW : 12 फेब्रुवारीला रंगणार भारत विरुद्ध पाकिस्तान सामना, जाणून घ्या कोणाचं पारडं जड?

Team India

IND vs PAK Womens Cricket : महिला टी20 विश्वचषक (Womens T20 World Cup 2023) आजपासून (10 फेब्रुवारी) सुरु होत आहे. यजमान दक्षिण आफ्रिका आणि श्रीलंका पहिल्या सामन्यात आमनेसामने असतील. दरम्यान या विश्वचषकात भारतीय संघ 12 फेब्रुवारीपासून आपल्या मोहिमेला सुरुवात करणार आहे. या दिवशी भारतासमोर पाकिस्तानचं आव्हान असेल. दोन्ही संघांना एकाच गटात ठेवण्यात आलं आहे. भारत आणि पाकिस्तानचे (IND vs PAK) संघ ब गटात आहेत. या गटात इंग्लंड, आयर्लंड आणि वेस्ट इंडिजचे संघही आहेत. पाच संघांच्या या गटातील टॉप-2 संघ उपांत्य फेरीत पोहोचतील. त्याचप्रमाणे अ गटातही 5 संघ असून त्यापैकी दोन संघांना उपांत्य फेरीचं तिकीट मिळणार आहे.

कधी, कुठे पाहाल सामना?

भारत-पाकिस्तान सामना 12 फेब्रुवारीला केपटाऊनच्या न्यूलँड्स क्रिकेट स्टेडियमवर होणार आहे. सामना भारतीय वेळेनुसार संध्याकाळी 6.30 वाजता सुरु होईल. या सामन्याचे थेट प्रक्षेपण स्टार स्पोर्ट्स नेटवर्कच्या विविध वाहिन्यांवर केले जाणार आहे. डिस्ने + हॉटस्टार अॅपवरही सामन्याचे लाईव्ह स्ट्रीमिंग उपलब्ध असेल.

भारत-पाकचा हेड टू हेड रेकॉर्ड कसा आहे?

भारत आणि पाकिस्तान महिला संघात आतापर्यंत 13 टी-20 सामने झाले आहेत. यामध्ये भारतीय संघाने पूर्ण वर्चस्व राखलं आहे. यावेळी भारताने 10 सामने जिंकले आहेत, तर पाकिस्तानने केवळ 3 सामने जिंकले आहेत.

कसे आहेत दोन्ही संघ?

भारतीय संघ : हरमनप्रीत कौर (कर्णधार), स्मृती मानधना, शेफाली वर्मा, यस्तिका भाटिया, ऋचा घोष, जेमिमा रॉड्रिग्ज, हरलीन देओल, दीप्ती शर्मा, देविका वैद्य, राधा यादव, रेणुका ठाकूर, अंजली सरवानी, पूजा वस्त्रकर, राजेश्वरी गायकवाड, राजेश्वरी गायकवाड. .

पाकिस्तान संघ : बिस्माह मारूफ (कर्णधार), आयमान अन्वर, आलिया रियाझ, आयशा नसीम, फातिमा सना, जवेरिया खान, मुनीबा अली, नशरा संधू, निदा दार, ओमामा सोहेल, सदफ शम्स, सादिया इक्बाल, सिद्रा अमीन, सिद्रा नवाज, तुबा हसन.