Vinod Kambli : आजाराशी झुंज देणाऱ्या विनोद कांबळीला इतरांच्या तुलनेत मिळते अर्धीच पेन्शन; जाणून घ्या नेमकं कारण काय?
Vinod Kambli Pension BCCI : कांबळीला बीसीसीआयकडून मिळणारे पेन्शन भारताच्या बाकीच्या खेळाडूच्या तुलनेत खूपच कमी आहे.
Vinod Kambli : भारतीय क्रिकेटपटू विनोद कांबळी अलीकडेच प्रसिद्धीच्या झोतात आला जेव्हा तो त्याचे प्रशिक्षक रमाकांत आचरेकर यांच्याशी संबंधित एका कार्यक्रमात दिसला. यावेळी तो सचिन तेंडुलकरलाही भेटला आणि एक गाणेही गायले (सर जो तेरा चक्रे...) 6 डिसेंबर रोजी मुंबईतील शिवाजी पार्कवर हा कार्यक्रम पार पडला होता.
यावेळी अनेक व्हिडिओ सोशल मीडियावर व्हायरल झाले. सचिन-कांबळीच्या भेटीच्या व्हिडीओवरून अनेक वेगवेगळे अर्थ काढले जात होते. कांबळीने ज्या पद्धतीने हे गाणे गुणगुणले त्यावरून लोकांना वाटले की कदाचित त्याची तब्येत ठीक नाही. कारण त्याला नीट बोलता पण येत नव्हते. विनोद कांबळी एका गंभीर आजाराने त्रस्त आहे.कांबळी सध्या गरीब आर्थिक परिस्थितीशी झुंजत आहे.
मात्र, कांबळीला बीसीसीआयकडून मिळणारे पेन्शन भारताच्या बाकीच्या खेळाडूच्या तुलनेत खूपच कमी आहे. यामुळे आजाराशी झुंज देणाऱ्या विनोद कांबळीसोबत बीसीसीआयकडून दुजाभाव केला जात आहे का? असा प्रश्न उपस्थित होतो. पण असे काही नाही. कारण 2022 मध्ये बीसीसीआयने निवृत्त खेळाडूंच्या पेन्शनमध्ये वाढ करण्याची घोषणा केली होती. 2022 पूर्वी प्रथम श्रेणीतील खेळाडूंना 15 हजार रुपये पेन्शन मिळायचे, ते वाढवून 30 हजार रुपये करण्यात आले.
या क्रमाने माजी कसोटीपटूंना पूर्वी 37500 रुपये मिळत होते, ते नंतर 60 हजार रुपये करण्यात आले. तर ज्या क्रिकेटपटूंचे पेन्शन 50 हजार रुपये होते, त्यांना 70 हजार रुपये दिले जाऊ लागले. भारतीय स्टार खेळाडू युवराज सिंगला बीसीसीआयकडून 60 हजार रुपये पेन्शन मिळते, तर कांबळीला फक्त 30 हजार रुपये पेन्शन मिळते. खरंतर, कांबळीला 30 हजार रुपये पेन्शन मिळण्याचे कारण म्हणजे त्याने भारतासाठी 25 पेक्षा कमी कसोटी सामने खेळले आहेत. अशा परिस्थितीत कांबळीला युवराजपेक्षा कमी पेन्शन मिळते. तर युवीने भारतासाठी 40 कसोटी सामने खेळले आहेत.
दोन्ही खेळाडूंची कारकीर्द
युवराज सिंगने भारतासाठी 40 कसोटी सामने खेळले आहेत. या कालावधीत त्याने 33.92 च्या सरासरीने 1900 धावा केल्या आहेत आणि 9 विकेट्सही घेतल्या आहेत. 304 एकदिवसीय सामन्यांमध्ये या खेळाडूने 36.55 च्या सरासरीने 8701 धावा करण्याव्यतिरिक्त 111 विकेट्स घेतल्या आहेत. 58 टी-20 सामन्यांमध्ये 1177 धावा करण्यासोबतच या डावखुऱ्या खेळाडूने 28 फलंदाजांना आपले बळी बनवले आहे.
विनोद कांबळीबद्दल बोलायचे झाले तर, त्याने भारतासाठी 17 कसोटी सामन्यात 54.20 च्या सरासरीने 1084 धावा केल्या आहेत. याशिवाय या खेळाडूने 104 एकदिवसीय सामन्यांमध्ये 32.59 च्या सरासरीने 2477 धावा केल्या आहेत.
हे ही वाचा -
महत्त्वाच्या बातम्या
