Virat Kohli Century Ind vs Aus 1st Test : 491 दिवसांनी संपली प्रतीक्षा! ‘किंग कोहली’चा धमाका, पर्थ कसोटीत ऑस्ट्रेलियाविरुद्ध ठोकले शतक
Ind vs Aus 1st Test : अखेर प्रतीक्षा संपली, पर्थमध्ये किंग कोहलीची जादू पाहायला मिळाली.
Virat Kohli Century Ind vs Aus 1st Test : अखेर प्रतीक्षा संपली, पर्थमध्ये किंग कोहलीची जादू पाहायला मिळाली. पहिल्या डावात अवघ्या पाच धावांवर बाद झालेल्या विराट कोहलीने पर्थ कसोटीच्या दुसऱ्या डावात जोरदार पुनरागमन केले. विराट कोहलीने 94 चेंडूत आपले अर्धशतक पूर्ण केले. त्यानंतर तुफानी फलंदाजी करताना शतक ठोकले. जैस्वाल आऊट झाल्यानंतर विराट कोहलीने भारतीय डाव सांभाळून आपल्या चाहत्यांना शतकाची भेट दिली.
बराच काळ खराब फॉर्ममध्ये असलेल्या विराट कोहलीने टीकाकारांना जोरदार प्रत्युत्तर देत शतक झळकावले. विराट कोहलीने आपल्या कसोटी कारकिर्दीतील 30 वे शतक ठोकले आहे. मोठी गोष्ट म्हणजे विराट कोहलीने 491 दिवसांनंतर कसोटी फॉरमॅटमध्ये शतक ठोकले आहे. विराटने यापूर्वी 20 जुलै 2023 रोजी पोर्ट ऑफ स्पेनमध्ये शतक झळकावले होते, आता पर्थमध्ये त्याने आपल्या बॅटने शतक केले आहे.
पर्थ कसोटीत टीम इंडियाचा डंका!
ऑस्ट्रेलियाविरुद्धच्या पर्थ कसोटीत टीम इंडिया मजबूत स्थितीत आहे. त्याने सामन्याच्या तिसऱ्या दिवशी दुसऱ्या डावात पकड घेतली. नाणेफेक जिंकून प्रथम फलंदाजी करताना भारतीय संघ 150 धावांत गारद झाला. यानंतर त्याने ऑस्ट्रेलियाचा डाव 104 धावांत गुंडाळला आणि 46 धावांची आघाडी घेतली. यानंतर टीम इंडियाने दुसऱ्या डावात विराट कोहलीचे शतक, यशस्वी जैस्वालच्या 161 धावा आणि केएल राहुलच्या 77 धावांच्या जोरावर मोठी आघाडी घेतली.
A masterclass from Virat Kohli as he powers back to form with a sensational century 🔥#WTC25 |📝 #AUSvIND: https://t.co/e8h5vfvU9R pic.twitter.com/r7gGKZ8qSL
— ICC (@ICC) November 24, 2024
कोहली सतत ठरत होता अपयशी...
कोहलीने न्यूझीलंडविरुद्ध बंगळुरू कसोटीच्या दुसऱ्या डावात शेवटचे अर्धशतक झळकावले. पुण्यात त्याला 1 आणि 17 धावाच करता आल्या. मुंबई कसोटीतही कोहली फेल ठरला होता. पहिल्या डावात 4 धावा आणि दुसऱ्या डावात 1 धावा करून तो बाद झाला. आता ऑस्ट्रेलियाविरुद्धच्या पर्थ कसोटीच्या पहिल्या डावात 5 धावा करणाऱ्या विराटने दुसऱ्या डावातही शानदार फलंदाजी केली.
ऑस्ट्रेलियात विराटचा विक्रम
या कसोटी सामन्यापूर्वी कोहलीने ऑस्ट्रेलियाच्या मैदानावर सहा शतके झळकावली होती. 13 सामन्यात 54.08 च्या सरासरीने 1352 धावा केल्या. यावरून त्यांचे वर्चस्व समजू शकते. यावेळी त्याला बॉर्डर-गावसकर ट्रॉफीमध्ये आणखी चांगली कामगिरी करायची आहे. पर्थ कसोटीच्या दुसऱ्या डावात त्याने हे सिद्ध केले. त्याची नजर या मालिकेत भरघोस धावा करण्यावर आहे.
हे ही वाचा -
महत्त्वाच्या बातम्या
