Virat Kohli : स्पिनर्ससमोर अडखळतोय, आता विराटने....! Dinesh Karthik च्या सल्ल्याने सारेच चक्रावले
कसोटी क्रिकेटमध्ये टीम इंडियासाठी गेले दोन आठवडे सर्वात खराब राहिले आहेत. जगातील सर्वात बलाढ्य कसोटी संघ म्हणून पाहिल्या जाणाऱ्या टीम इंडियाला अचानक मायदेशात मालिका गमवावी लागली.
Dinesh Karthik On Virat Kohli : कसोटी क्रिकेटमध्ये टीम इंडियासाठी गेले दोन आठवडे सर्वात खराब राहिले आहेत. जगातील सर्वात बलाढ्य कसोटी संघ म्हणून पाहिल्या जाणाऱ्या टीम इंडियाला अचानक मायदेशात मालिका गमवावी लागली. तेही न्यूझीलंडच्या हातून, ज्या संघाने मागील 60-70 वर्षांत भारतात केवळ 2 कसोटी सामने जिंकले होते. या दोन्ही कसोटी सामन्यात भारतीय दिग्गज विराट कोहलीची कामगिरी काही खास राहिलेली नाही.
न्यूझीलंडविरुद्ध सुरू असलेल्या मायदेशातील कसोटी मालिकेतही कोहली धावा काढण्यासाठी तरसत नाही. एका डावात 70 धावा केल्याशिवाय उरलेल्या तीन डावात तो विशेष काही करू शकला नाही. दरम्यान, माजी भारतीय क्रिकेटपटू आणि क्रिकेट समालोचक दिनेश कार्तिकने कोहलीला सल्ला देत मोठे विधान केले आहे.
देशांतर्गत क्रिकेट खेळण्याचा दिला सल्ला
12 वर्षात प्रथमच भारताने घरच्या मैदानावर कसोटी मालिका गमावली आहे. या मालिकेपूर्वी कोहलीला बांगलादेशविरुद्धही मोठी खेळी खेळता आली नव्हती. फिरकी गोलंदाजांना अनुकूल अशा खेळपट्ट्यांवर कोहली अनेकदा त्यांच्या जाळ्यात अडकताना दिसला. त्याला सल्ला देताना कार्तिक म्हणाला की, "कदाचित त्याने देशांतर्गत क्रिकेटमध्ये परत जावे. डावखुरा फिरकीपटू त्याला सहज आऊट करत आहे, यात शंका नाही. कोहलीसाठीही हे सोपे राहिले नाही. ही मालिका त्याच्यासाठी चांगली राहिली नाही. चारपैकी तीन डावात फिरकीपटूंनी त्याला खूप त्रास दिला आहे, त्यामुळे आता त्याला यावर उपाय शोधावा लागेल.
2008 मध्ये आंतरराष्ट्रीय क्रिकेटमध्ये पदार्पण करणाऱ्या कोहलीने शेवटचा रणजी सामना 2012 मध्ये खेळला होता. तो 12 वर्षांपासून देशांतर्गत क्रिकेटमध्ये एकही सामना खेळलेला नाही. या वर्षी दुलीप ट्रॉफीमध्ये तो खेळणार असल्याच्या बातम्या आल्या होत्या, पण त्यात तो सहभागी झाला नव्हता. वरिष्ठ खेळाडूंना देशांतर्गत क्रिकेटमध्ये पाठवायचे की नाही, हा वाद अनेक दिवसांपासून सुरू आहे.
नुकतेच सुनील गावसकर यांनीही आपल्या ज्येष्ठ खेळाडूंना देशांतर्गत क्रिकेटमध्ये भाग घेण्याची परवानगी द्यावी, असे लिहिले होते. मात्र, यासोबतच त्यांनी यादरम्यान येणाऱ्या अडचणीही सांगितल्या. खरे तर आंतरराष्ट्रीय क्रिकेट खेळणाऱ्या खेळाडूंचे वेळापत्रक इतके व्यस्त झाले आहे की त्यांना वेळ काढणे फार कठीण झाले आहे. 1 नोव्हेंबरपासून मुंबईत सुरू होणाऱ्या मालिकेतील शेवटच्या कसोटी सामन्यात विराटकडून मोठ्या खेळीची अपेक्षा आहे.
हे ही वाचा -
महत्त्वाच्या बातम्या
ट्रेंडिंग न्यूज
