फायनलमध्ये 101 धावांची खेळी; भारताला जिंकून दिला वर्ल्ड कप; पण, एका चुकीने करिअर उद्ध्वस्त
आयपीएल 2024 मध्ये अप्रतिम कामगिरी केल्यानंतर अनेक खेळाडूंना बांगलादेशविरुद्ध खेळल्या जाणाऱ्या 3 सामन्यांच्या टी-20 मालिकेतही संधी मिळाली आहे.
U-19 World Cup final hero Manjot Kalra Story : सध्या भारतीय संघात अनेक युवा खेळाडूंना संधी दिली जात आहे. आयपीएल 2024 मध्ये अप्रतिम कामगिरी केल्यानंतर अनेक खेळाडूंना बांगलादेशविरुद्ध खेळल्या जाणाऱ्या 3 सामन्यांच्या टी-20 मालिकेतही संधी मिळाली आहे. पण एक खेळाडू असा होता ज्याने भारतीय संघाला वर्ल्ड कप जिंकून दिला. मात्र केवळ एका चुकीमुळे या खेळाडूचे करिअर उद्ध्वस्त झाले. आता हा भारतीय खेळाडू YouTuber झाला आहे.
एक चूक आणि उद्ध्वस्त करिअर
मनजोत कालरा... ज्याने 2018 मध्ये आपल्या शतकी खेळीने भारतीय अंडर-19 संघाला विश्वविजेते बनवले होते, त्याची एक चूक त्याला महागात पडली आणि त्याला त्याचे करिअर संपले. वर्ल्ड कप जिंकल्यानंतर मनजोत कालरा यांच्यावर वयाच्या फसवणुकीप्रकरणी दिल्ली आणि जिल्हा क्रिकेट असोसिएशनने बंदी घातली होती. मात्र, नंतर मनजोत कालराने त्याच्या यूट्यूब चॅनलवर सांगितले की, त्याच्यावरील बंदी उठवण्यात आली आहे. मुंबईत सराव करताना त्याच्या पाठीला दुखापत झाली. त्याच्या पाठीत फ्रॅक्चर झाले, त्यामुळे त्याला क्रिकेटपासून दूर राहावे लागले.
अंडर 19 वर्ल्ड कपच्या फायनलमध्ये भारतीय संघाने ऑस्ट्रेलियासमोर विजेतेपदासाठी 217 धावांचे लक्ष्य ठेवले होते. पृथ्वी शॉ आणि शुभमन गिलच्या रूपाने भारताला आधी दोन मोठे धक्के बसले. पण मनजोत एका टोकाला उभा होता. तो शेवटपर्यंत उभा राहिला आणि त्याने केवळ आपले शतक पूर्ण केले नाही तर भारताला विजेतेपदही जिंकून दिले. मनजोतने या सामन्यात 102 चेंडूत 101 धावांची खेळी केली होती. यादरम्यान त्याच्या बॅटमधून 8 चौकार आणि 3 षटकारही आले. मनजोतने संपूर्ण स्पर्धेत आश्चर्यकारक कामगिरी केली. त्याने 6 सामन्यांच्या 5 डावात 84 च्या उत्कृष्ट सरासरीने 252 धावा केल्या.
आता मनजोत बनला युट्युबर
क्रिकेटपासून दूर असलेल्या मनजोतने 2023 मध्ये त्याचे यूट्यूब चॅनल सुरू केले, ज्याला त्याने मनजोत कालरासोबत सेकंड इनिंग्स असे नाव दिले. आत्तापर्यंत अनेक खेळाडूंनी त्याच्या चॅनलवर मुलाखती दिल्या आहेत. अभिषेक शर्मा, मयंक यादव यांसारखे भारतीय खेळाडूही मनजोतच्या चॅनलवर आले आहेत आणि त्यांनी त्यांचा प्रवास शेअर केला आहे.
25 वर्षीय मनजोतला दिल्लीकडून फक्त 1 प्रथम श्रेणी सामना खेळण्याची संधी मिळाली. या सामन्यात त्याने 19 धावा केल्या होत्या. 2 टी-20 सामने खेळताना कालराने 13 धावा केल्या. त्याने मार्च 2021 मध्ये दिल्लीसाठी शेवटचा होम सामना खेळला होता. यानंतर कालरा क्रिकेटच्या मैदानावर दिसला नाही.
हे ही वाचा -
महत्त्वाच्या बातम्या
ट्रेंडिंग न्यूज
