Ind vs Aus 1st Test : मोठी अपडेट! टीम इंडियाचं टेन्शन वाढलं... पर्थ कसोटीतून शुभमन गिल बाहेर? तिसऱ्या क्रमांकावर रिप्लेसमेंट कोण?
Shubman Gill Border-Gavaskar Trophy : भारत आणि ऑस्ट्रेलिया यांच्यातील कसोटी मालिकेतील पहिला सामना पर्थ येथे होणार आहे.
India vs Australia Perth Test : भारत आणि ऑस्ट्रेलिया यांच्यात 22 नोव्हेंबरपासून पाच सामन्यांची कसोटी मालिका खेळवली जाणार आहे. त्याचा पहिला सामना पर्थ येथे होणार आहे. याआधी टीम इंडियाला मोठा धक्का बसला आहे. एका रिपोर्टनुसार, सलामीवीर शुभमन गिल जखमी झाला आहे. क्षेत्ररक्षण करताना गिलला दुखापत झाली. पर्थ कसोटीपूर्वी तो तंदुरुस्त झाला नाही तर तो पहिल्या सामन्यातून बाहेर जाईल.
टीम इंडियासाठी शुभमन गिल तिसऱ्या क्रमांकावर फलंदाजी करतो. त्याने ओपनिंगही केली आहे. टाईम्स ऑफ इंडियाच्या बातमीनुसार, शनिवारी क्षेत्ररक्षण करताना शुभमनला दुखापत झाली. त्याच्या बोटाला दुखापत झाली आहे. गिलच्या दुखापतीबाबत अद्याप अधिकृत माहिती मिळालेली नाही. भारत आणि ऑस्ट्रेलिया यांच्यातील पहिली कसोटी 22 नोव्हेंबरपासून खेळवली जाणार आहे. यासाठी अजून वेळ आहे. तोपर्यंत गिल सावरला तर ठीक नाय तर तो पहिल्या कसोटीतून बाहेर पडेल.
शुभमन बाहेर गेला तर तिसऱ्या क्रमांकावर कोण करणार फलंदाजी?
टीम इंडियाचा कर्णधार रोहित शर्मा अद्याप पर्थला पोहोचलेला नाही. रोहितची पत्नी रितिका हिने एका मुलाला जन्म दिला आहे. पण आता रोहित लवकरच ऑस्ट्रेलियाला जाऊ शकतो. तो पोहोचला तर तो यशस्वी जैस्वालसोबत सलामी करू शकतो. गिल बाहेर गेला तर केएल राहुल किंवा विराट कोहली यांना तिसऱ्या क्रमांकावर फलंदाजीची संधी मिळू शकते. यापूर्वी कोहली फक्त तिसऱ्या क्रमांकावर फलंदाजी करायचा. राहुल खालच्या मधल्या फळीतही येऊ शकतो.
Shubman Gill doubtful for the 1st Test Vs Australia due to finger injury.
— Mufaddal Vohra (@mufaddal_vohra) November 16, 2024
- A final decision will be taken soon on his participation. (Gaurav Gupta/TOI). pic.twitter.com/9WApXE16Vc
बॉर्डर-गावसकर ट्रॉफी कसोटी मालिकेसाठी भारतीय संघ - रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, अभिमन्यू इसवरन, शुभमन गिल, विराट कोहली, केएल राहुल, ऋषभ पंत (यष्टीरक्षक), सर्फराज खान, ध्रुव जुरेल (यष्टीरक्षक), रविचंद्रन अश्विन, रवींद्र जैसवाल मोहम्मद सिराज, आकाशदीप, प्रसिध कृष्णा, हर्षित राणा, नितीश कुमार रेड्डी, वॉशिंग्टन सुंदर.
राखीव खेळाडू : मुकेश कुमार, नवदीप सैनी, खलील अहमद.
हे ही वाचा -
महत्त्वाच्या बातम्या
