Shivam Dube : शिवम दुबे पहिल्या दोन मॅचमध्ये फेल, टीम इंडियातून डच्चू मिळणार? यशस्वी की संजू सॅमसन, कुणाला संधी मिळणार?

Shivam Dube : भारत आणि अमेरिका यांच्यात उद्या न्यूयॉर्कमध्ये लढत होत आहे. भारत आणि अमेरिकेनं आतापर्यंत प्रत्येकी दोन मॅच जिंकल्या आहेत.

शिवम दुबे

Source : PTI

न्यूयॉर्क: भारतानं टी 20 वर्ल्ड कपची (T20 World Cup 2024) दमदार सुरुवात केली आहे. भारतानं (Team India) पहिल्या मॅचमध्ये आयरलँडला आणि दुसऱ्या मॅचमध्ये पाकिस्तानला पराभूत केलं. भारत आणि अमेरिका (IND vs USA) यांच्यात उद्या लढत होणार आहे. या लढतीत भारतीय संघात बदल होऊ शकतात, अशी शक्यता आहे. पहिल्या दोन्ही मॅचमध्ये चांगली कामगिरी करु न शकलेल्या शिवम दुबेला संघातून डच्चू मिळू शकतो. शिवम दुबेच्या जागी टीम इंडियामध्ये संजू सॅमसन किंवा यशस्वी जयस्वालला संधी मिळू शकते. 

शिवम दुबेला टी-20 वर्ल्ड कपमध्ये भारताच्या पहिल्या दोन लढतींमध्ये चांगली कामगिरी करता आलेली नाही. आयरलँड विरुद्ध शिवम दुबेनं दोन बॉलचा सामना केला होता. त्यामध्ये त्याला एकही धाव करता आली नव्हती. तर, दुसरीकडे पाकिस्तान विरुद्धच्या मॅचमध्ये 9 बॉल खेळून 3 धावा केल्या होत्या. 

शिवम दुबेला बांगलादेश विरुद्धच्या सराव सामन्यात 16 बॉलमध्ये 14 धावा करता आल्या. शिवम दुबेनं त्या मॅचमध्ये दोन विकेट घेतल्या होत्या. शिवम दुबे सराव सामना आणि ग्रुप स्टेजमधील दोन मॅचमधील कामगिरी समाधानकारक नाही. याशिवाय शिवम दुबेच्या कामगिरीवर आयपीएलपासून प्रश्न उपस्थित केले जात आहे. 

शिवम दुबेला टीम इंडियात टी 20 वर्ल्ड कपमध्ये संधी मिळाल्यानंतर समाधानकारक कामगिरी करता आलेली नाही. आयपीएलच्या सतराव्या पर्वात चेन्नईच्या अखेरच्या पाच मॅचपैकी दोन मॅचेसमध्ये त्याला खातं उघडता आलं नव्हतं. उर्वरित तीन सामन्यांमध्ये त्याची चांगली कामगिरी 21 धावा इतकी होती. त्यामुळं शिवम दुबेच्या कामगिरीवर प्रश्न उपस्थित केले जात आहेत. 

शिवम दुबेवर रोहित शर्मा विश्वास दाखवणार

न्यूयॉर्कच्या मैदानावर दिग्गज फलंदाज चांगली कामगिरी करण्यात अपयशी ठरत असल्यानं संघ व्यवस्थापन शिवम दुबेला आणखी एखादी संधी देण्याची शक्यता आहे. अमेरिकेविरुद्ध शिवम दुबेला संधी देण्याचा विचार देखील संघ व्यवस्थापनाकडून केला जाऊ शकतो. कॅनडा विरुद्धच्या मॅचमध्ये संघात बदल केला जाऊ शकतो.  भारत आणि अमेरिका यांच्यातील ग्रुप स्टेजमधील मॅच उद्या होणार आहे. भारतीय प्रमाण वेळेनुसार उद्या रात्री 8 वाजता मॅच सुरु होईल. 

भारत आणि कॅनडा यांच्यातील मॅच फ्लोरिडामध्ये होणार आहे. रोहित शर्मा  आणि राहुल द्रविड खेळाडूंना अनेक संधी देतात. त्यामुळं शिवम दुबेला न्यूयॉर्कमध्ये होणाऱ्या अमेरिकेविरुद्धच्या मॅचमध्ये संधी मिळू शकते. त्यानंतर कॅनडा विरुद्ध संजू सॅमसनला संधी मिळू शकते. 

संबंधित बातम्या :