Shahid Afridi News : अंगात पाकिस्तान आर्मीची जर्सी, डोळ्यावर गॉगल, शाहिद आफ्रिदीकडून वाघा बॉर्डरवर 'खुन्नस', Video Viral
Shahid Afridi News : जम्मू आणि काश्मीरमधील पहलगाम येथे झालेल्या दहशतवादी हल्ल्यात 26 जणांना आपला जीव गमवावा लागला.
Shahid Afridi Wagah Atari Border News : जम्मू आणि काश्मीरमधील पहलगाम येथे झालेल्या दहशतवादी हल्ल्यात 26 जणांना आपला जीव गमवावा लागला. त्यानंतर देशभरातील लोकांमध्ये संताप आहे आणि भारत आणि पाकिस्तानमध्ये तणावाचे वातावरण आहे. या घटनेवर क्रीडा जगतातून तीव्र प्रतिक्रिया उमटत आहेत. माजी पाकिस्तानी क्रिकेटपटू शाहिद आफ्रिदी पहलगाम हल्ल्यावर प्रतिक्रिया देताना वारंवार भारतावर गंभीर आरोप करत आहे. आधी त्याने भारताकडे पाकिस्तानच्या सहभागाचे पुरावे मागितले. यानंतर त्यांनी म्हटले की भारत स्वतःच आपल्या लोकांना मारतो आणि नंतर पाकिस्तानला दोष देतो. त्याने भारतीय सैन्यावर निशाना साधला, या सगळ्यामध्ये त्याचा एक व्हिडिओ समोर आला आहे जो खूप व्हायरल होत आहे.
View this post on Instagram
शाहिद आफ्रिदी भारत-पाकिस्तान सीमेवर पोहोचला
पहलगाम दहशतवादी हल्ल्यानंतर शाहिद आफ्रिदी सतत भारताविरुद्ध विष ओकत आहे. दरम्यान, त्याचा एक व्हिडिओ समोर आला आहे ज्यामध्ये तो अटारी-वाघा सीमेवर दिसत आहे. अटारी-वाघा सीमा ही भारत आणि पाकिस्तानमधील एक आंतरराष्ट्रीय सीमा आहे. या व्हिडिओमध्ये तो पाकिस्तानी सैन्यासोबत बसलेला दिसत आहे. अंगात पाकिस्तान आर्मीची जर्सी, त्यावर त्याचे नाव आफ्रिदी देखील लिहिलेले आहे. त्यांच्यासोबत पाकिस्तान रेंजर अधिकारी आझमही बसले आहेत. शाहिद आफ्रिदीच्या डोळ्यावर गॉगल आहे. यासोबत काही माध्यम प्रतिनिधी देखील दिसत आहेत. आफ्रिदीने व्हिडिओसोबत पाकिस्तान झिंदाबाद असे कॅप्शन लिहिले आहे. हा व्हिडिओ काही वेळातच सोशल मीडियावर व्हायरल झाला आहे.
Shahid Afridi was spotted at the Wagah Border wearing a Pakistan Army jersey. #TOKAlert #ShahidAfridi #WagahBorder pic.twitter.com/6Tovlpbh2m
— Times of Karachi (@TOKCityOfLights) April 28, 2025
दहशतवादी हल्ल्यानंतर सर्वजण त्याचा निषेध करत आहेत. पण पाकिस्तानी खेळाडू त्यांच्या वाईट कृत्यांपासून थांबत नाहीत. शाहिद आफ्रिदी एकामागून एक वादग्रस्त विधाने करत आहे. या घटनेबद्दल बोलताना त्यांनी म्हटले होते की, भारतात फटाके फुटले तरी त्याचा दोष पाकिस्तानला देतो. काश्मीरमध्ये 8 लाख भारतीय सैन्य तैनात आहे. असे असूनही, जर तिथे असा हल्ला झाला असेल तर भारतीय सैन्य अक्षम आहे हे स्पष्ट आहे. कोणताही देश दहशतवादाचे समर्थन करत नाही आणि पाकिस्तान नेहमीच शांततेबद्दल बोलतो, असेही त्यांनी सांगितले.
हे ही वाचा -
महत्त्वाच्या बातम्या
