Sanju Samson CSK IPL 2026: रवींद्र जडेजाला काढून चेन्नईत घेतलेल्या संजू सॅमसनला कोणत्या क्रमांकाची जर्सी?; CSK ने जाहीर करुन टाकले

Sanju Samson IPL CSK Jersey Number: चेन्नई सुपर किंग्सने आयपीएल 2026पूर्वी मोठा धमाका करत राजस्थान रॉयल्सचा कर्णधार संजू सॅमसनला आपल्या संघात सामील करून घेतले.

Sanju Samson CSK IPL 2026

Source : ABP

Sanju Samson CSK Jersey Number: चेन्नई सुपर किंग्सने आयपीएल 2026पूर्वी मोठा धमाका करत राजस्थान रॉयल्सचा कर्णधार संजू सॅमसनला आपल्या संघात सामील करून घेतले. आयपीएलच्या ट्रेड डीलमध्ये रवींद्र जडेजा आणि इंग्लंडचा सॅम करनला राजस्थान रॉयल्सकडे सोपवत संजू सॅमसनला चेन्नईच्या संघात घेतले. संजू सॅमसन चेन्नईच्या ताफ्यात दाखल झाल्यानंतर चेन्नई सुपर किंग्सकडून एक नवीन व्हिडीओ शेअर केला आहे. या व्हिडीओमध्ये संजू सॅमसन चेन्नईची पिवळी जर्सी घालताना दिसला. 

संजू सॅमसन कोणत्या क्रमांकाची जर्सी घालणार? (Sanju Samson CSK Jersey Number)

सीएसकेने शेअर केलेल्या व्हिडीओमध्ये, संजू सॅमसन 11 क्रमांकाची जर्सी घालताना दिसत आहे. यावरून हे स्पष्ट होते की संजू आयपीएल 2026 मध्ये 11 क्रमांकाची जर्सी घालणार आहे. सॅमसनने राजस्थान रॉयल्ससाठीही हाच क्रमांक घातला होता. तथापि, सॅमसन भारतीय संघासाठी 9 क्रमांकाची जर्सी घालतो. मोहम्मद शमी भारतासाठी 11 क्रमांकाची जर्सी घालतो.

Eda mone,
Happy Alle? 🥳💛

Goodnight, Superfans! https://t.co/fvHiGT7OWw

— Chennai Super Kings (@ChennaiIPL) November 18, 2025

ऋतुराज गायकवाड चेन्नईचा कर्णधार- (IPL 2026 CSK)

गेल्या हंगामात, जेव्हा ऋतुराज हंगामाच्या मध्यभागी दुखापतीमुळे स्पर्धेतून बाहेर पडला तेव्हा धोनीने पुन्हा कर्णधारपदाची जबाबदारी स्वीकारली. तथापि, सीएसकेने आता स्पष्ट केले आहे की सॅमसन आणि धोनी दोघेही संघात असूनही, ऋतुराज गायकवाड आगामी आयपीएल हंगामात चेन्नईचे नेतृत्व करेल.

संजू सॅमसनची आयपीएलमधील कामगिरी- (Sanju Samson IPL)

31 वर्षीय संजू सॅमसनने आयपीएलमध्ये 177 सामने खेळले आहेत, ज्यामध्ये 139.1 च्या स्ट्राइक रेटने 4704 धावा केल्या आहेत. संजू सॅमसनने आयपीएलमध्ये तीन शतके आणि 26 अर्धशतके देखील झळकावली आहेत.

संबंधित बातमी: