Sanju Samson : आयपीएलमध्ये राजस्थानला बाय बाय केलं, आता संजू सॅमसनवर नवी जबाबदारी, 'या' संघाचं नेतृत्व करणार
Sanju Samson: संजू सॅमसनला चेन्नई सुपर किंग्जनं राजस्थान रॉयल्ससोबत ट्रेड डील करत संघात घेतलं आहे. आता अजून एका संघानं त्याच्यावर मोठी जबाबदारी सोपवली आहे.
कोची: भारताच्या टी 20 संघाचा विकेटकीपर आणि आयपीएलच्या 19 व्या हंगामासाठी चेन्नई सुपर किंग्जचा भाग झालेला क्रिकेटपटू संजू सॅमसन आता नव्या भूमिकेत दिसणार आहे. संजू सॅमसन आता सय्यद मुश्ताक अली ट्रॉफीमध्ये केरळच्या संघाचं नेतृत्व करेल. ही स्पर्धा 26 नोव्हेंबरपासून सुरु आहे. आयपीएलमध्ये संजू सॅमसन राजस्थान रॉयल्सचा कॅप्टन होता. मात्र, राजस्थानचं कर्णधार पद सोडत संजू सॅमसन चेन्नई सुपर किंग्जमध्ये दाखल झाला. आयपीएलपूर्वी आता संजूवर केरळचं नेतृत्व करण्याची जबाबदारी आहे.
केरळच्या संघात संजू सॅमसनचा भाऊ सॅली सॅमसन याला देखील संधी मिळाली आहे. दोन्ही भावांची जोडी यापूर्वी केरळ क्रिकेट लीगमध्ये एकत्र पाहायला मिळाली होती. केरळ क्रिकेट लीगच्या दुऱ्या पर्वात सॅली सॅमसन यानं कोची ब्लूय टायगर्सचं कर्णधारपद भूषवलं होतं.
संजू सॅमसन आणि सॅली सॅमसन यांच्याशिवाय केरळच्या संघात अहमद इमरानला संधी मिळाली आहे. तो केरळचा उपकर्णधा असेल. आयपीएलमध्ये मुंबईकडून खेळलेल्या विग्नेश पुथुर आणि विष्णू विनोद यांना देखील केरळच्या संघात स्थान मिळालं आहे. केरळ क्रिकेट लीगच्या यापूर्वीच्या दोन्ही हंगामात सर्वात विकेट घेणाऱ्या अखिल स्कारिया याला देखील संघात स्थान दिलं गेलं आहे.
सय्यद मुश्ताक अली ट्रॉफीसाठी अ गटात केरळ सोबत चंदीगड, ओडिशा, विदर्भ, रेल्वे , आंध्र प्रदेश आणि मुंबईचा समावेश आहे. केरळची पहिली मॅच 26 नोव्हेंबरला ओडिशाला होणार आहे. केरळच्या सर्व मॅचेस लखनौमध्ये होणार आहेत. केरळचे काही खेळाडू 23 नोव्हेंबरला लखनौला होतील. तर इतर खेळाडू इंदौरमधून लखनौला पोहोचतील. केरळ आणि मध्य प्रदेश यांच्यात रणजी ट्रॉफीची मॅच सुरु होती.
सय्यद मुश्ताक अली ट्रॉफीत केरळला ग्रुप स्टेजच्या पुढं जाता आलेलं नाही. यावेळी संजू सॅमसन केरळच्या संघाला पुढच्या फेरीत पोहोचवतो का ते पाहावं लागेल.
केरळचा संघ: संजू सॅमसन (कॅप्टन आणि विकेटकीपर), रोहन कुन्नुम्मल, मोहम्मद अजहरुद्दीन, अहमद इमरान (उपकॅप्टन), विष्णू विनोद (विकेटकीपर), कृष्णा दीवान, अब्दूल बाजिथ, सॅली सॅमसन, सलमान निजार, कृष्णा प्रसाद, सिबिन पी गिरीश, अंकित शर्मा, अखिल स्कारिया, बीजू नारायणन, आसिफ केएम, एमडी निधिश, विग्नेश पुथुर, शराफुद्दीन एनएम
महत्त्वाच्या बातम्या
