Rohit Sharma: वाढलेलं पोट एकदम सपाट, इरेला पेटलेल्या रोहित शर्माचं ट्रान्सर्फोमेशन पाहून गौतम गंभीरही तोंडात बोटं घालेल

Rohit Sharma Team India ODI captaincy: रोहित शर्मा आणि विराट कोहली ऑस्ट्रेलियाविरुद्धच्या मालिकेनंतर पुन्हा खेळतील की नाही, अशी चर्चा सुरु होती. मात्र, रोहित शर्माने टीकाकारांना चोख प्रत्युत्तर दिले

Rohit Sharma Transformation

Source : Instagram

Rohit Sharma Team India ODI captaincy: भारत आणि ऑस्ट्रेलिया यांच्यातील आगामी एकदिवस सामन्यांच्या मालिकेसाठी बीसीसीआयने नुकतीच भारतीय संघाची घोषणा केली होती. यावेळी क्रिकेटप्रेमींना मोठा धक्का बसला होता. कारण, भारतीय संघाला विश्वचषक जिंकवून देणाऱ्या रोहित शर्मा (Rohit Sharma) याची कर्णधारपदावरुन अचानक उचलबांगडी करण्यात आली होती. प्रशिक्षक गौतम गंभीर (Gautam Gambhir) याने रोहितच्या जागी शुभमन गिलला (Shubhman Gill) कर्णधारपदाचा मुकूट सोपवला होता. रोहित शर्मा आणि विराट कोहली (Virat Kohli) यांचा हा कदाचित शेवटचा दौरा असू शकतो, अशी चर्चा गेल्या काही दिवसांपासून सुरु आहे. 

आगामी विश्वचषक स्पर्धेच्यादृष्टीने तयार करण्यात येणाऱ्या भारतीय संघात रोहित शर्मा फिट बसणार नाही, असे सांगितले जाते. त्यासाठी रोहित शर्मा याचे वाढलेले वजन, सुटलेले पोट याकडे बोट दाखवले जाते. मात्र, भारत-ऑस्ट्रेलिया मालिकेपूर्वी रोहित शर्माने वजन कमालीचे कमी केले असून स्वत:मध्ये खूप मोठा बदल घडवून आणला आहे. मुंबईत मंगळवारी सीएट क्रिकेट पारितोषिक वितरण सोहळा पार पडला. यावेळी ब्लेझर घालून आलेल्या रोहित शर्माला पाहून अनेकांना स्वत:च्या डोळ्यांवर विश्वासच बसत नव्हता. रोहित शर्मा याचे पोट पूर्णपणे कमी झाले असून तो एकदम स्लिम ट्रिम दिसत होता. एरवी रोहित शर्मा म्हटलं की, थोडसं सुटलेलं पोट अशी प्रतिमा डोळ्यांसमोर यायची. क्रिकेटप्रेमींनीही रोहित शर्मा याला आहे त्या अवतारात स्वीकारले होते. परंतु, बीसीसीआय आणि प्रशिक्षक गौतम गंभीर यांच्याकडून वारंवार रोहित शर्मा याच्या वाढलेल्या वजनाचा मुद्दा पुढे केला जायचा. मात्र, रोहित शर्मा याने आता स्वत:मध्ये कमालीचा बदल घडवून गौतमी गंभीर आणि इतर टीकाकारांना चोख प्रत्युत्तर दिले आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rohit Sharma (@rohitsharma45)

रोहित शर्मा हा 38 वर्षांचा असून आता त्याच्या कारकीर्दीचा उतरणीचा काळ सुरु झाला आहे. मात्र, भारतीय संघाला अनेक जेतेपदं मिळवून देणाऱ्या रोहित शर्मा याला इतक्या तडकाफडकी कर्णधारपदावरुन दूर करणे भारतीय क्रिकेटप्रेमींना रुचलेले नाही. त्यामुळे रोहित शर्माविषयी अनेकजण सहानुभूती व्यक्त करत आहेत. अशातच रोहित शर्मा याने स्वत:मध्ये कमालीचे ट्रान्सर्फोमेशन करुन आपण अजूनही आंतरराष्ट्रीय पातळीवर क्रिकेट खेळण्यासाठी फिट आहोत, असा संदेश बीसीसीआयला दिला आहे.

आणखी वाचा