Rinku Singh ICC T-20 World Cup: टी-20 विश्वचषकासाठी रिंकू सिंहची निवड का झाली नाही?; अखेर महत्वाची माहिती आली समोर
Rinku Singh ICC T-20 World Cup: भारताच्या टी-20 विश्वचषक संघात रिंकूला राखीव खेळाडूंमध्ये स्थान मिळाल्याने चाहतेही नाराज झाले आहेत.
Rinku Singh ICC T-20 World Cup: आयपीएलमध्ये गेल्या वर्षी गुजरातविरुद्ध अखेरच्या षटकात सलग पाच षटकार ठोकत कोलकाताला थरारक विजय मिळवून दिला होता, तेव्हापासून रिंकू सिंहने भारतीय क्रिकेटचे लक्ष वेधले. त्यानंतर रिंकू सिंहला भारतीय क्रिकेटच्या टी- 20 संघातही संधी मिळाली.
भारतीय संघात दाखल होताच त्याने अनेकवेळा विजय मिळवून दिले. त्यामुळे काही दिवसांवर येऊन ठेपलेल्या आयसीसी टी-20 विश्वचषकाच्या (ICC T20 World Cup 2024) स्पर्धेत त्याला भारतीय संघाकडून संधी मिळेल अशी अनेकांना आशा होती. मात्र, मंगळवारी जाहीर झालेल्या भारताच्या टी-20 विश्वचषक संघात रिंकूला राखीव खेळाडूंमध्ये स्थान मिळाल्याने चाहतेही नाराज झाले आहेत.
मुंबई इंडियन्सचे नेतृत्व करणारा अष्टपैलू हार्दिक पांड्या अपयशी ठरूनही त्याला संघात स्थान मिळाले, तसेच भारताच्या उपकर्णधारपदाची जबाबदारीही त्याला देण्यात आली. त्यामुळे चर्चांना उधाण आले आहे. अनेक माजी दिग्गज खेळाडूंनी देखील यावरुन विविध प्रतिक्रिया दिल्या. याचदरम्यान रिंकू सिंहला संघात सामील न करण्यामागचं कारण अखेर समोर आलं आहे.
हार्दिक अपयशी ठरला असला तरी...
बीसीसीआयच्या सूत्रांनी दिलेल्या माहितीनुसार, हार्दिक पांड्या अपयशी ठरला असला तरी तोच भारताचा सर्वोत्तम वेगवान गोलंदाज अष्टपैलू आहे. आयपीएलमध्ये वेगवान गोलंदाज अष्टपैलू म्हणून हार्दिक पांड्यानेच गोलंदाजी केली आहे. रिंकू सिंहला कमी संधी मिळाली, पण त्याला अपेक्षित कामगिरी करता आलेली नाही.
रिंकूच्या वडिलांनी व्यक्त केली खंत-
संघात स्थान न मिळाल्यानंतर रिंकू सिंह याच्या वडिलांनी देखील मनातील खंत बोलून दाखवली आहे. त्याशिवाय रिंकूची निवड झाली म्हणून आम्ही जल्लोष केला. पण रिंकूला 15 जणांमध्ये संधी मिळाली नाही, त्याची खंत असल्याचं ते म्हणाले. टीम इंडियासाठी आम्ही खूश आहोत, असेही त्यांनी सांगितलं. रिंकू सिंह यांचे वडील म्हणाले की, रिंकू सिंह याची निवड झाल्याचं समजताच आम्ही फटके फोडून जल्लोष केला. रिंकू सिंह विश्वचषकात प्लेईंग 11 मध्ये खेळणार असल्याचं आम्हाला वाटलं, त्यामुळे आमचा आनंद गगणात मावत नव्हता. पण रिंकूनं आईला फोन करुन 15 जणांमध्ये निवड झाली नसल्याचं सांगितलं. त्यामुळे सर्वांनाच धक्का बसला. 15 जणांमध्ये निवड न झाल्यामुळे रिंकूही थोडाफार नाराज झालेला, अशी माहिती रिंकूच्या वडिलांनी दिली.
टी20 विश्वचषकासाठी भारतीय संघ -
रोहित शर्मा(कर्णधार), यशस्वी जयस्वाल, विराट कोहली, सूर्यकुमार यादव, ऋषभ पंत (विकेटकीपर), संजू सॅमसन (विकेटकीपर), हार्दिक पांड्या (उपकर्णधार), शिवम दुबे, रवींद्र जाडेजा, अक्षर पटेल, कुलदीप यादव, युजवेंद्र चहल, अर्शदीप सिंह, जसप्रीत बुमराह, मोहम्मद सिराज.
राखीव खेळाडू-
शुभमन गिल, रिंकू सिंग, आवेश खान, खलील अहमद
भारतीय संघाचे वेळापत्रक
5 जून - वि. आयर्लंड, न्यू यॉर्क
9 जून - वि. पाकिस्तान. न्यू यॉर्क
12 जून - वि. अमेरिका, न्यू यॉर्क
15 जून - वि. कॅनडा, फ्लोरिडा
महत्त्वाच्या बातम्या
ट्रेंडिंग न्यूज
