Legends League Cricket: भीलवाडा किंग्ज आणि मणिपाल टायगर्स यांच्यात आज लढत; कधी, कुठं पाहणार सामना?
Legends League Cricket: लीजेंड्स क्रिकेट लीगचा दुसरा हंगाम खेळला जोताय. अनेक दिग्गज खेळाडू पुन्हा एकदा मैदानात दम दाखवताना दिसत आहे.
Legends League Cricket: लीजेंड्स क्रिकेट लीगचा दुसरा हंगाम खेळला जोताय. अनेक दिग्गज खेळाडू पुन्हा एकदा मैदानात दम दाखवताना दिसत आहे. आज मणिपाल टायगर्स आणि भिलवाडा किंग्ज (Manipal Tigers vs Bhilwara Kings) यांच्यात लीजेंड्स लीग क्रिकेटचा आठवा सामना खेळला जाणार आहे. या हंगामात दुसऱ्यांदा दोन्ही संघ आमने-सामने येणार आहेत. याआधी दोन्ही संघात झालेल्या रोमांचक लढतीत भीलवाडा किंग्जनं मणिपाल टायगर्सचा पराभूत केलं.
या हंगामातील तीन सामन्यांत भिलवाडा किंग्जला केवळ एकच विजय मिळवता आलाय. दुसरीकडं, मणिपाल टायगर्स त्यांच्या पहिल्या विजयाच्या शोधात आहे. दोन्ही संघ लीजेंड्स लीग क्रिकेटच्या गुणतालिकेत तळाशी आहेत. यामुळं आजचा सामना दोन्ही संघासाठी अतिशय महत्वाचा असेल. भिलवाडा किंग्जची धुरा इरफान पठाण संभाळत आहे. त्याच्या संघात शेन वॉटसन, श्रीशांत आणि टीम ब्रेसननसारख्या अनेक दिग्गजांचा समावेश आहे. तर, हरभजन सिंह मणिपाल टायगर्सचे नेतृत्व करतोय. या संघात ब्रेट ली, मोहम्मद कैफ आणि लान्स क्लुसनरसारखे स्टार खेळाडू आहेत.
कधी, कुठं पाहणार सामने?
भीलवाडा किंग्ज आणि मणिपाल टाइगर्स यांच्यात आज लढत पाहायला मिळेल. कटकच्या बाराबात क्रिकेट स्टेडियमवर हा सामना खेळला जाणार आहे. भारतीय वेळेनुसार, संध्याकाळी 7.30 वाजता या सामन्याला सुरुवात होणार आहे. यापू्र्वी अर्धातास नाणेफेक होईल. या सामन्याचे थेट प्रक्षेपण सिनेप्लेक्स आणि स्पोर्ट्स-18 वाहिनीवर केलं जाईल. या सामन्याचे लाईव्ह स्ट्रीमिंग व्हूट अॅपवर पाहता येणार आहे.
संघ-
भीलवाडा किंग्स:
इरफान पठाण (कर्णधार), ओवेश शाह, शेन वॉटसन, मॉन्टी पानेसर, मॅट प्रायर, श्रीसंत, नमन ओझा, मयंक तेहलान, तन्मय श्रीवास्तव, समित पटेल, टिम ब्रेसनन, निक कॉम्पटन, टिनो बेस्ट, फिदेल एडवर्ड्स, विलियम पोटरफिल्ड, दिनेश साळुंके, सुदीप त्यागी, राजेश बिश्नोई, समित पटेल.
मणिपाल टाइगर्स:
लांस क्लूजनर, रियान साइडबॉटम, ब्रेट ली, रतिंदर सोढी, मोहम्मद कैफ, रिकॉर्डो पॉवेल, शिवकांत शुक्ला, तातेंदा ताईबू, दिलहारा फर्नांडो, स्वप्निल असनोदकर, रविकांत शुक्ला, प्रदीप साहू, क्रिस मोफू, कोरी एंडरसन, परविंदर अवाना, इमरान ताहिर, रोमेश कालूवितार्णा, दिमित्री मस्कारेहांस, फिल मस्टर्ड, डेरेन सॅमी, विक्रम सिंह.
हे देखील वाचा-
महत्त्वाच्या बातम्या
