Ind vs Aus 5th Test : सिडनीमध्ये राडा! कॉन्स्टास बुमराहला भिडला, विकेट पडताच अख्खी टीम इंडिया अंगावर गेली धावून... पाहा Video
भारत आणि ऑस्ट्रेलिया यांच्यात सुरू असलेली कसोटी मालिका ब्लॉकबस्टर सिनेमापेक्षा कमी नाही.
Sam Konstas and Jasprit Bumrah : भारत आणि ऑस्ट्रेलिया यांच्यात सुरू असलेली कसोटी मालिका ब्लॉकबस्टर सिनेमापेक्षा कमी नाही. दोन्ही संघांमधील मालिकेतील शेवटचा सामना सिडनीत खेळला जात आहे. टीम इंडियाचा स्टार गोलंदाज जसप्रीत बुमराह हा शांत खेळाडू म्हणून ओळखला जातो. कारण तुम्ही क्वचितच त्याला कोणत्याही फलंदाजावर ओरडताना पाहिले असेल, पण सिडनी कसोटीच्या पहिल्या दिवशी बुमराह जरा वेगळाच दिसला.
19 वर्षीय ऑस्ट्रेलियन खेळाडू सॅम कॉन्स्टास भारताविरुद्धच्या मालिकेत पदार्पण केल्यापासूनच चर्चेत आहे. त्याच्या पहिल्याच सामन्यात त्याने केवळ बॅटने आपला पराक्रम दाखवला नाही. तर विराट कोहलीसोबतच्या त्याच्या शब्दयुद्धामुळे तो चर्चेत राहिला. सिडनीत खेळल्या जात असलेल्या कसोटीच्या पहिल्या दिवशी त्याने जसप्रीत बुमराहशी पंगा घेतला आणि किंमत ख्वाजाला मोजावी लागली.
बुमराह आणि कॉन्स्टास यांच्यात शाब्दिक वाद
सिडनी कसोटीत नाणेफेक जिंकून प्रथम फलंदाजीला आलेली टीम इंडिया केवळ 185 धावा करून ऑलआऊट झाली. यानंतर दिवसाची काही षटके बाकी होती आणि जसप्रीत बुमराह गोलंदाजीसाठी आला. भारतीय कर्णधार चेंडू टाकण्यासाठी तयार असताना ख्वाजाने त्याला रोखले. बुमराहने लवकर गोलंदाजी करावी आणि आणखी एक षटक खेळावे अशी ख्वाजाची इच्छा नव्हती. यानंतर बुमराहने ख्वाजाला त्याच्या थांबण्यामागचे कारण विचारले. त्यादरम्यान सॅम कॉन्स्टासने यामध्ये उडी घेतली. तो न बोलता बुमराहच्या दिशेने गेला. प्रकरण चिघळू शकते असे वाटत होते पण पंचांनी दोघांनाही शांत केले.
Fiery scenes in the final over at the SCG!
— cricket.com.au (@cricketcomau) January 3, 2025
How's that for a finish to Day One 👀#AUSvIND pic.twitter.com/BAAjrFKvnQ
या घटनेनंतर जसप्रीत बुमराह खूप रागात दिसत होता. त्याने प्रत्युत्तर दिले पण चेंडूने. पहिल्या दिवसाच्या शेवटच्या चेंडूवर त्याने उस्मान ख्वाजाला आऊट केले. ख्वाजा 2 धावा करून बाद झाला. विकेट घेतल्यानंतर बुमराह थेट कॉन्स्टासकडे गेला. काही वेळातच संपूर्ण टीम इंडिया कॉन्स्टास जवळ गेली आणि जणू कांगारू बॅट्समनला सिडनीतील मेन इन ब्लूने घेरले आहे.
टीम इंडिया 185 धावांवर ऑलआऊट
या मालिकेतील शेवटच्या 3 सामन्यात घडलेल्या सिडनी कसोटीतही तेच पाहायला मिळाले. भारतीय फलंदाजांनी निराशाजनक कामगिरी केली आणि संपूर्ण संघ 185 धावांत गडगडला. विराट कोहलीचा खराब फॉर्म अजूनही कायम आहे. त्याने पुन्हा एकदा ऑफ स्टंपच्या बाहेर जाणारा चेंडू मारला आणि 17 धावांवर बाद झाला. भारताकडून ऋषभ पंतने सर्वाधिक 40 धावा केल्या.
हे ही वाचा -
महत्त्वाच्या बातम्या
ट्रेंडिंग न्यूज
