IPL 2025 Mega Auction : सूर्या, केएल राहुल RCBमध्ये, शिवम दुबे राजस्थान तर संजू चेन्नईमध्ये; IPL 2025मध्ये होणार उलथापालथ?

IPL 2025 Mega Auction Update : आयपीएलच्या पुढील हंगामाबाबत अनेक आश्चर्यकारक बातम्या समोर येत आहेत.

IPL 2025 Suryakumar Yadav KL Rahul Sanju Samson Shivam Dube

Source : ABP

IPL 2025 Mega Auction Update : आयपीएलच्या पुढील हंगामाबाबत अनेक आश्चर्यकारक बातम्या समोर येत आहेत. असे सांगितले जात आहे की आयपीएल 2025 मध्ये अनेक मोठे खेळाडू इतर संघांसाठी खेळताना दिसणार आहेत. आत्तापर्यंत संजू सॅमसन चेन्नई सुपर किंग्ज आणि सूर्यकुमार यादव आरसीबीमध्ये जाण्याच्या वृत्ताने चाहत्यांना आश्चर्याचा धक्का बसला आहे. 

मीडिया रिपोर्ट्सनुसार, मुंबई इंडियन्सचा सूर्यकुमार यादव आता फ्रँचायझी सोडण्याच्या मूडमध्ये आहे. भारताच्या टी-20 संघाचा कर्णधार आता आरसीबीची जबाबदारी स्वीकारणार आहे असा दावा अहवालात करण्यात आला आहे. 

दुसऱ्या एका रिपोर्टमध्ये ही माहिती समोर आली आहे की, संजू सॅमसन आता चेन्नई सुपर किंग्जकडून खेळताना दिसणार आहे. तर शिवम दुबे चेन्नईहून राजस्थान रॉयल्समध्ये जाणार आहे. केएल राहुल देखील लखनऊ सुपर जायंट्स सोडून आरसीबीमध्ये सामील होणार आहे. असे अहवालही समोर आले आहेत. 

बरं, या बदलांची अधिकृत माहिती अद्याप समोर आलेली नाही. अहवाल आणि सूत्रांच्या आधारे हे सर्व दावे करण्यात आले आहेत. आतापर्यंत कोणत्याही फ्रँचायझी, बीसीसीआय किंवा आयपीएल गव्हर्निंग कौन्सिलकडून कोणतेही अपडेट आलेले नाही. 

कायम ठेवण्याबाबतचे नियम अद्याप झालेले नाहीत स्पष्ट

अद्यापपर्यंत आयपीएलकडून कायम ठेवण्याबाबत कोणतीही माहिती समोर आलेली नाही. पण आयपीएलच्या नियमांनुसार मेगा लिलावापूर्वी सर्व संघ प्रत्येकी चार खेळाडूंना कायम ठेवू शकतात. उर्वरित सर्व खेळाडूंना संघांना सोडावे लागेल. याशिवाय लिलावापूर्वी संघ आपापसात व्यापारही करू शकतात. यामध्ये खेळाडूंची देवाणघेवाण होते किंवा एक संघ दुसऱ्या संघाला खेळाडू घेण्यासाठी पैसे देतो. 

 

हे ही वाचा -