Jasprit Bumrah : अजित आगरकरची मोठी खेळी; जसप्रीत बुमराहची संघात निवड, पण 'या' पदावरून सुट्टी

बीसीसीआयने बांगलादेशविरुद्धच्या पहिल्या कसोटीसाठी भारतीय संघाची घोषणा केली. यामध्ये कोणालाही उपकर्णधार करण्यात आलेले नाही. यापूर्वी जसप्रीत बुमराहने ही जबाबदारी पार पाडली होती.

Jasprit Bumrah India vs Bangladesh series

Source : ABP

India's Test Squad vs Bangladesh : बीसीसीआयने बांगलादेशविरुद्धच्या पहिल्या कसोटीसाठी दहा दिवस आधी भारतीय संघाची घोषणा केली आहे. याआधी या कसोटी मालिकेत जसप्रीत बुमराहला विश्रांती दिली जाण्याची शक्यता वर्तवली जात होती. पण, त्याची पहिल्या कसोटी संघात निवड झाली आहे. त्याचवेळी ऋषभ पंतनेही तब्बल दोन वर्षांनी भारतीय कसोटी संघात पुनरागमन केले. मात्र, एकाही खेळाडूला उपकर्णधारपद न दिल्याने बीसीसीआयने जाहीर केलेल्या संघावर प्रश्नचिन्ह उपस्थित केले जात आहेत.

भारताने याआधी घरच्या मैदानावर इंग्लंडविरुद्ध शेवटची कसोटी मालिका खेळली होती, तेव्हा जसप्रीत बुमराह उपकर्णधार होता. पण, बांगलादेशविरुद्धच्या पहिल्या कसोटीसाठी संघाची निवड झाली तेव्हा कोणत्याही खेळाडूला ही जबाबदारी देण्यात आली नव्हती. तेव्हापासून बुमराहला उपकर्णधारपदावरून हटवण्यात आले आहे का, असे प्रश्न उपस्थित केले जात आहेत.

उपकर्णधार पदावरून बुमराहची सुट्टी?

बुमराह, केएल राहुल आणि ऋषभ पंत विराट कोहली यांसारख्या खेळाडूंना संघातील एक नेता म्हणून पाहिले जात आहे. कोहली अधिकृतपणे नेतृत्वाची भूमिका स्वीकारू इच्छित नसला तरी राहुल आणि पंत हे भारताच्या दीर्घकालीन कर्णधारपदाचे दावेदार आहेत. पण, यापैकी कोणीही बांगलादेश कसोटीसाठी उपकर्णधार नाही.

शमीला कसोटी संघात मिळाले नाही स्थान

दुसऱ्यांदा बाबा झाल्यामुळे विराट कोहली या वर्षाच्या सुरुवातीला इंग्लंडविरुद्धच्या पाच कसोटी सामन्यांच्या मालिकेत खेळला नव्हता. पण त्यांचेही पुनरागमन झाले आहे. वेगवान गोलंदाज मोहम्मद शमी पुनरागमन करण्याच्या मार्गावर असून त्याला संघात स्थान मिळालेले नाही. निवड समितीचे अध्यक्ष अजित आगरकर यांनी यापूर्वी सांगितले होते की, शमीच्या पुनरागमनाचा अद्याप विचार केला जात आहे. तर उत्तर प्रदेशचा डावखुरा वेगवान गोलंदाज यश दयाल याचा प्रथमच कसोटी संघात समावेश करण्यात आला आहे.

इंग्लंडविरुद्धच्या हैदराबादमधील पहिल्या कसोटीनंतर दुखापत झालेल्या केएल राहुलचेही कसोटी संघात पुनरागमन झाले आहे. रविवारी बेंगळुरू येथे झालेल्या दुलीप ट्रॉफी सामन्यात त्याने भारत अ संघाकडून 37 आणि 57 धावांची शानदार खेळी खेळली. यष्टिरक्षक फलंदाज ध्रुव जुरेलने इंग्लंडविरुद्धच्या रांची कसोटीत 90 आणि नाबाद 39 धावांची मॅचविनिंग इनिंग खेळून चमकदार कामगिरी केली होती, पण तो संघात कायम राहिला.

आकाशदीपला मिळाली संधी 

उजव्या हाताचा बंगालचा वेगवान गोलंदाज आकाश दीप ज्याने रांची येथे इंग्लंडविरुद्धच्या कसोटी पदार्पणात तीन विकेट्स घेतल्या. त्याने बंगळुरूमधील भारत ब विरुद्ध दुलीप ट्रॉफी सामन्यात भारत अ संघाकडून नऊ विकेट घेतल्या. त्याचे बक्षीस मिळाले आहे.

बांगलादेशविरुद्धच्या पहिल्या कसोटीसाठी भारतीय संघ : रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, सर्फराज खान, ऋषभ पंत (विकेटकीपर), ध्रुव जुरेल (विकेटकीपर), रविचंद्रन अश्विन, रवींद्र जडेजा, अक्षर पटेल , कुलदीप यादव, मोहम्मद सिराज, आकाश दीप, जसप्रीत बुमराह, यश दयाल.

हे ही वाचा -