IND vs SL 3rd ODI : भारतीय क्रिकेट संघ (Team India) आणि श्रीलंका क्रिकेट संघ यांच्यात टी20 मालिका पार पडल्यानंतर आता एकदिवसीय मालिका सुरु असून आज अखेरचा सामना खेळवला जाणार आहे. विशेष म्हणजे मालिकेतील दोन्ही सुरुवातीचे सामने जिंकत भारताने 2-0 अशी विजयी आघाडी घेतली आहे. त्यामुळे आज भारताकडे आज श्रीलंकेला व्हाईट वॉश देण्याची संधी आहे. दुसरीकडे श्रीलंकेचा संघ मात्र अखेरचा एकदिवसीय सामना जिंकून शेवट गोड करण्याचा प्रयत्न करेल...तरआजच्या या सामन्याची माहिती जाणून घेऊ...

भारत आणि श्रीलंका (IND vs SL) यांच्यात आतापर्यंत तब्बल 163 आंतरराष्ट्रीय एकदिवसीय सामने खेळले गेले आहेत. या सर्व सामन्यांचा विचार करता भारतानं यामध्ये 94 सामने जिंकले असून श्रीलंका संघाला 57 सामने जिंकण्यात यश आलं आहे. याशिवाय दोघांमधील एकूण 11 सामने अनिर्णित राहिले आहेत. तसंच एक सामना बरोबरीत सुटला आहे. दरम्यान आजचा भारत विरुद्ध श्रीलंका तिसरा एकदिवसीय सामना तिरुवनंतीपुरमच्या ग्रीनफिल्ड इंटरनॅशनल क्रिकेट स्टेडियमवर (Greenfeild International Stadium) खेळवला जाणार आहे. या स्टेडियमच्या खेळपट्टीवर फलंदाजांना धावा करणे कठीण होऊ शकते. आतापर्यंतची आकडेवारी दर्शवते की विकेट स्पिनर आणि वेगवान गोलंदाज दोघांनाही मदत करते. या खेळपट्टीवर नाणेफेक महत्त्वाची ठरणार आहे. नाणेफेक जिंकणारा संघ प्रथम गोलंदाजी करू इच्छिणार हे नक्की!

कुठे पाहू शकता सामना?

भारत विरुद्ध श्रीलंका एकदिवसीय सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com/ येथेही तुम्हाला सामन्याचे अपडेट्स पाहता येतील.

कसे आहेत दोन्ही संघ?

भारत- रोहित शर्मा (कर्णधार), केएल राहुल, विराट कोहली, सूर्यकुमार यादव, श्रेयस अय्यर, हार्दिक पंड्या, अक्षर पटेल, युझवेंद्र चहल, मोहम्मद शमी, मोहम्मद सिराज, शुभमन गिल, ईशान किशन, वॉशिंग्टन सुंदर, कुलदीप यादव, उमरान मलिक, अर्शदीप सिंह.

श्रीलंका- दासुन शनाका (कर्णधार), कुसल मेंडिस, चारिथ अस्लंका, आशान बंडारा, वानिंदू हसरंगा, अविष्का फर्नांडो, नुवानिंदू फर्नांडो, चमिका करुणारत्ने, लाहिरू कुमरा, दिलशान मदुशंका, पथुम निसांका, प्रमोद मदुशान, सामुना राजविरा, कासून, महाराणी, महाराणी, नुवानिंदू फर्नांडो, जेफ्री वँडरसे, ड्युनिथ वेलाल्गे.

हे देखील वाचा-